പെരിന്തൽമണ്ണ-പൊന്നാനി റൂട്ടിൽ കെഎസ്ആർടിസി സർവീസ് തുടങ്ങുന്നു

പെരിന്തൽമണ്ണ : ജില്ലയിലെ സ്വകാര്യ ബസുകളുടെ മത്സരയോട്ടത്തിന് കൂച്ചുവിലങ്ങിടാൻ കെഎസ്ആർടിസി കച്ചമുറുക്കി ഇറങ്ങുന്നു. പ്രധാന റൂട്ടുകളിൽ ചെയിൻ സർവീസുകൾ തുടങ്ങാൻ നടപടിയായി. പെരിന്തൽമണ്ണ – വളാഞ്ചേരി – പൊന്നാനി റൂട്ടിൽ 10 സർവീസുകൾ തുടങ്ങും. 10 മിനിറ്റ് ഇടവേളയിൽ ബസ്സുകൾ ഓടിക്കും. പൊന്നാനി, പെരിന്തൽമണ്ണ ഡിപ്പോകളിൽ നിന്നായി 5 ബസ്സുകൾ വീതം ഇറക്കിയാണ് സർവീസ് തുടങ്ങുന്നത്. റംസാൻ മാസം പകുതി ആകുമ്പോഴേക്കും ബസ്സുകൾ ഓടിത്തുടങ്ങും.

വളാഞ്ചേരിയിലെ യാത്രക്കാരുടെ ആവശ്യം പരിഗണിച്ച് വളാഞ്ചേരി സ്വദേശി കൂടെയായ കെ.എസ.ആർ.ടി.സി ബോർഡ് മെമ്പർ ഫൈസൽ തങ്ങളുടെ ഇടപെടൽ മൂലം പൊന്നാനിയിൽ നിന്നും കുറ്റിപ്പുറം-വളാഞ്ചേരി വഴി പെരിന്തൽമണ്ണയിലേക്ക് കെ.എസ.ആർ.ടി.സി ചെയിൻ സർവ്വീസ് ആരംഭിക്കുന്നു. വൈകാതെ വളാഞ്ചേരിയിൽ നിന്നും തിരൂരിലേക്കും KSRTC ബസ്സുകൾ ഓടി തുടങ്ങുന്നതാണ്.