മൂർക്കനാട് ഗ്രാമ പഞ്ചായത്തിൽ 13000 പച്ചക്കറി തൈകൾ വിതരണം ചെയ്തു

വെങ്ങാട്‌: കൃഷി വകുപ്പിന്റെ പച്ചക്കറി വികസന പദ്ധതി യുടെ ഭാഗമായി മൂർക്കനാട് ഗ്രാമ പഞ്ചായത്തിൽ 13000 പച്ചക്കറി തൈകൾ സൗജന്യമായി വിതരണം ചെയ്തു. വെണ്ട, മുളക്, വഴുതന, തക്കാളി തുടങ്ങിയ തൈകളാണ് 500 ഇൽ പരം വരുന്ന വീടുകളിലേക്ക് വിതരണം ചെയ്യുന്നത്. മൂർക്കനാട് ഗ്രാമ പഞ്ചായത്ത്‌ പ്രസിഡന്റ്‌ കെ രാജഗോപാലൻ പദ്ധതിയുടെ വിതരണ ഉദ്ഘാടനം നിർവഹിച്ചു.

വികസന സ്റ്റാൻഡിംഗ് കമ്മിറ്റി ചെയർമാൻ ടി. മുരളീധരൻ, ക്ഷേമ കാര്യം സ്റ്റാന്റിംഗ് കമ്മിറ്റി പി. ഷാഹിന, വാർഡ് മെമ്പർമാരായ കെ. പി ഹംസ മാസ്റ്റർ, കെ. കൃഷ്ണൻ കുട്ടി തുടങ്ങിയവർ ആശംസകൾ അർപ്പിച്ചു സംസാരിച്ചു. കൃഷി ഓഫീസർ സമീർ മാമ്പ്രത്തൊടി പദ്ധതി വിശദീകരിച്ചു. അസിസ്റ്റന്റ് കൃഷി ഓഫീസർ അനികുമാർ നന്ദി രേഖപ്പെടുത്തി.