വളാഞ്ചേരി: വൈക്കത്തൂര്‍ എയുപി സ്കൂളില്‍ ഭീമന്‍ കേക്ക് മുറിച്ച് പുതുവര്‍ഷത്തെ വരവേറ്റു.

60 കിലോ തൂക്കമുള്ള കേക്കാണ് മുറിച്ചത്. ഇതില്‍ സ്കൂളിന്റെ എംബ്ളവുമുണ്ടായിരുന്നു. മണിക്കൂറുകളെടുത്തായിരുന്നു കേക്ക് മുറിക്കല്‍. വളാഞ്ചേരി കെആര്‍ ബേക്കറിയിലെ 3 ജീവനക്കാര്‍ സ്കൂളില്‍ തന്നെയാണ് കേക്ക് തയാറാക്കിയത്. ചൊവ്വാഴ്ച രാവിലെ 9.30 ന് തുടങ്ങിയ കേക്ക് നിര്‍മാണം 12 മണിക്കാണ് പൂര്‍ത്തിയായത്.

സ്കൂള്‍ പിടിഎയുടെ നേതൃത്വത്തിലായിരുന്നു പരിപാടികള്‍ സംഘടിപ്പിച്ചത്. പിടിഎ പ്രസിഡന്റ് സി രാജേഷ് കേക്ക് മുറിച്ച് ഉദ്ഘാടനംചെയ്തു. ഹെഡ്മാസ്റ്റര്‍ ടി നാണു, മാനേജ്മെന്റ് പ്രതിനിധി കെ വി സജീവ്, സ്റ്റാഫ് സെക്രട്ടറി ശുഭ എസ് നായര്‍, എ ഗീത, കെ വി ബാബുരാജ്, വി ടി നാസര്‍, പി കമറുദ്ദീന്‍, സീനത്ത്, പുരുഷോത്തമന്‍, അബ്ദുള്‍സലാം എന്നിവര്‍ സംസാരിച്ചു. പായസവിതരണവുമുണ്ടായി.