കുവൈത്ത് വളാഞ്ചേരി അസോസിയേഷൻ സ്നേഹ സംഗമം നടത്തി
അബുഹലീഫ: കുവൈത്തിലെ വളാഞ്ചേരി ക്കാരുടെ കൂട്ടായ്മയായ കുവൈത്ത് വളാഞ്ചേരി അസോസിയേഷൻ (KVA) സ്നേഹ സംഗമം നടത്തി. അബുഹലീഫയിലെ സെവെൻസ്റ്റാർ ആഡിറ്റോറിയത്തിൽ വച്ച് മുഖ്യരക്ഷാധികാരി കാദർ പൈങ്കണ്ണൂരിന്റെ അധ്യക്ഷതയിൽ നടന്ന വർണശബളമായ പരിപാടിയിൽ യാത്ര സഹായി കുവൈത്ത് പ്രസിഡണ്ട്‌ നൗഷാദ് ചെമ്പട്ട വീട്ടിൽ, അസീസ് ഇരിമ്പിളിയം എന്നിവർ മുഖ്യപ്രഭാഷണം നടത്തി.
കൂടാതെ സംഘടനയിലെ അംഗങ്ങൾക്കുള്ള ധനസഹായവിതരണം നൗഷാദും മെമ്പർഷിപ്പ് കാർഡ് വിതരണം മലപ്പുറം ജില്ലാ അസോസിയേഷൻ ട്രഷറർ അഭിലാഷ് കളരിക്കലും നിർവഹിച്ചു. എക്സിക്യൂട്ടീവ് മെമ്പർമാരായ ബാബു, പ്രദീപ്, വിനോദ് മണ്ണ്കുത്ത്, മുഹമ്മദ് കോയ തങ്ങൾ, മജീദ് കുന്നത്ത് എന്നിവർ പരിപാടികൾ നിയന്ത്രിച്ചു. സംഘടനാ അംഗങ്ങളുടെ വിവിധ കലാപരിപാടികൾക്ക് ശേഷം ചടങ്ങിൽ പങ്കെടുത്ത എല്ലാവർക്കും കാദർ പൈങ്കണ്ണൂർ നന്ദിയും അറിയിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
