രജിത് അഴിക്കോടിന്റെ ‘മലബാറിന്റെ മാണിക്യം’ എന്ന പുസ്തകത്തിന്റെ കവർ പ്രകാശനം ചെയ്തു

തിരുവനന്തപുരം/മലപ്പുറം: എഴുത്തുകാരൻ രജിത് അഴിക്കോടിന്റെ നാസർ മാനു എന്നചാരിറ്റി പ്രവർത്തകനെ ആസ്‌പദമാക്കിയുള്ള മലബാറിന്റെ മാണിക്യം എന്ന പുസ്തകത്തിന്റെ കവർ പ്രകാശനം തിരുവനന്തപുരത്ത് നടന്നു. പ്രമുഖ സംവിധായകൻ അനിൽ നാഗേന്ദ്രൻ സംവിധാനം ചെയ്യുന്ന തീ എന്ന ചിത്രത്തിന്റെ ലൊക്കേഷൻ കൂടിയായ തിരുവനതപുരം കഴക്കൂട്ടം കാർത്തിക പാർക്കിൽ വച്ചായിരുന്നു പ്രകാശനം. എഴുത്തുകാരനും പ്രമുഖ നടനുമായ പ്രേം കുമാർ നടൻ ഹൃദേശിന് നൽകി പ്രകാശനം നിർവ്വഹിച്ചു. അനിൽ നാഗേന്ദ്രൻ, സുരേഷ് അരിസ്റ്റോട്ടിൽ, റാഫി പാങ്ങോട്, ഹമീദ് പാറമ്മൽ, നാസർ മാനു, രജിത് അഴിക്കോട്, ലത്തീഫ് കുറ്റിപ്പുറം, സിഎം സിബി, എം ഗോപാൽ തുടങ്ങിയവർ ചടങ്ങിൽ പങ്കെടുത്തു സംസാരിച്ചു.