HomeNewsHealthവീട്ടിയൻകുന്ന്–എടയൂർ റോഡിൽ തള്ളിയ കോഴിമാലിന്യം ചീഞ്ഞളിയുന്നു

വീട്ടിയൻകുന്ന്–എടയൂർ റോഡിൽ തള്ളിയ കോഴിമാലിന്യം ചീഞ്ഞളിയുന്നു

chicken waste

വീട്ടിയൻകുന്ന്–എടയൂർ റോഡിൽ തള്ളിയ കോഴിമാലിന്യം ചീഞ്ഞളിയുന്നു

കൊളത്തൂർ∙ വെങ്ങാട് പള്ളിപ്പടി വീട്ടിയൻകുന്ന്–എടയൂർ റോഡിൽ ടൺ കണക്കിന് കോഴിമാലിന്യം ചീഞ്ഞളിയുന്നു. ഒരാഴ്‍ച മുൻപാണ് ഇവിടെ പലയിടങ്ങളിലായി രാത്രി മാലിന്യം തള്ളിയത്. മാലിന്യം തള്ളിയവരെക്കുറിച്ച് നാട്ടുകാർ പൊലീസിന് കൃത്യമായ സൂചന നൽകിയിരുന്നതായി പറയുന്നു. നാട്ടുകാർ നൽകിയ പരാതിയുടെ അടിസ്ഥാനത്തിൽ പഞ്ചായത്ത് അധികൃതരും ആരോഗ്യവകുപ്പിനും പൊലീസിനും പരാതി നൽകിയിരുന്നു.
chicken waste
ഇതുസംബന്ധിച്ച് കാര്യമായ നടപടികളൊന്നും പൊലീസിന്റെ ഭാഗത്തുനിന്നുണ്ടായിട്ടില്ല. കനത്ത മഴയ്ക്കിടെ ചീഞ്ഞളിയുന്ന മാലിന്യം പ്രദേശത്ത് ആരോഗ്യ–പാരിസ്ഥിതിക പ്രശ്‍നങ്ങൾക്ക് കാരണമാവുമോ എന്നാണ് നാട്ടുകാരുടെ പേടി. ദുർഗന്ധംമൂലം ഇതുവഴി വഴിനടക്കാൻ പോലുമാകാത്ത സ്ഥിതിയാണ്. സമീപത്തെ വലിയ ക്വാറിയിൽ നിന്നാണ് നാട്ടുകാർ വേനൽക്കാലങ്ങളിൽ ശുദ്ധജലം ശേഖരിക്കുന്നത്. മാലിന്യം ഇതിലേക്കെല്ലാം ഒലിച്ചിറങ്ങുന്നുണ്ട്. കുറുക്കനും തെരുവു നായ്‍ക്കളും പക്ഷികളുമെല്ലാം മാലിന്യം സമീപങ്ങളിലെ ജലസ്രോതസ്സുകളിലെത്തിക്കുന്ന സാഹചര്യമുണ്ട്.


വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here

No Comments

Leave A Comment

Don`t copy text!