HomeNewsAccidentsചങ്ങരംകുളത്ത് തോണി മറിഞ്ഞ് ഒരു കുടുംബത്തിലെ ആറുപേര്‍ മുങ്ങിമരിച്ചു

ചങ്ങരംകുളത്ത് തോണി മറിഞ്ഞ് ഒരു കുടുംബത്തിലെ ആറുപേര്‍ മുങ്ങിമരിച്ചു

ചങ്ങരംകുളത്ത് തോണി മറിഞ്ഞ് ഒരു കുടുംബത്തിലെ ആറുപേര്‍ മുങ്ങിമരിച്ചു

പൊന്നാനി: മലപ്പുറത്ത് കടത്തുതോണിമറിഞ്ഞ്  ഒരുകുടുംബത്തിലെ ആറുപേര്‍ മരിച്ചു.  ചങ്ങരം കുളത്താണ് അപകടം നടന്നത്. നന്നംമുക്ക് നരണിപ്പുഴയിലാണ് കടത്തുതോണി മറിഞ്ഞത്. ഒമ്പത് പേരാണ് തോണിയിലുണ്ടായിരുന്നത്.

മരിച്ചവരില്‍ നാല് പെണ്‍കുട്ടികളും രണ്ട് ആണ്‍കുട്ടികളുമുണ്ട്. പ്രസീന(12), വൈഷ്ണ(15), ജെനീഷ(11), പൂജ(15), ആദിനാഥ്(14), ആദിദേവ്(8) എന്നിവരാണ് മരിച്ചത്. മുന്നുപേരെ രക്ഷപ്പെടുത്തി. തോണി തുഴഞ്ഞ വേലായുധന്‍, ശവഖി, ഫാത്തിമ എന്നിവരെയാണ് രക്ഷപ്പെടുത്തിയത്.

വേലായുധനെ തൃശൂര്‍ അമല കോളജിലേക്ക് കൊണ്ടുപോയി. വൈകിട്ട് 5.30 നായിരുന്നു അപകടം. തോണിയില്‍ മീന്‍ പിടിക്കാന്‍ പോയപ്പോഴാണ് അപകടം നടന്നത്. തോണിയിലുണ്ടായിരുന്ന വിടവില്‍ കൂടി വെള്ളം കയറിയാണ് തോണി മുങ്ങിയതെന്നാണ് രക്ഷപ്പെട്ടവര്‍ പറയുന്നത്.

ദുരന്തം ഉണ്ടായപ്പോള്‍ തന്നെ കരയില്‍ നിന്നവര്‍ രക്ഷാപ്രവര്‍ത്തനത്തിനായി ഇറങ്ങിയെങ്കിലും കുട്ടികളുടെ ജീവന്‍ രക്ഷിക്കാന്‍ സാധിച്ചില്ല. എടപ്പാളിനടുത്തുള്ള അറഫ ആശുപത്രിയിലാണ് കുട്ടികളുടെ മൃതദേഹങ്ങള്‍ സൂക്ഷിച്ചിരിക്കുന്നത്.

Sharing is caring
No Comments

Leave A Comment