വാടക ക്വാര്‍ട്ടേഴ്‌സില്‍ അനാശാസ്യം; ആറുപേര്‍ കസ്റ്റഡിയില്‍
വളാഞ്ചേരി: വാടകക്വാര്‍ട്ടേഴ്‌സ് കേന്ദ്രീകരിച്ച് പെണ്‍വാണിഭം നടത്തിയ സംഭവത്തില്‍ മൂന്ന് സ്ത്രീകളുള്‍പ്പെടെ ആറുപേര്‍ കസ്റ്റഡിയില്‍. വളാഞ്ചേരി വൈക്കത്തൂരിലാണ് ദമ്പതിമാരുള്‍പ്പെടെയുള്ള സംഘം വളാഞ്ചേരി പോലീസിന്റെ പിടിയിലായത്.
ക്വാര്‍ട്ടേഴ്‌സിലെ താമസക്കാരായ സുബ്രഹ്മണ്യന്‍, ഭാര്യ കമല, കുറ്റിപ്പുറം സ്വദേശിനി റംല, അയങ്കലം കടകശ്ശേരിയിലെ ഫാത്തിമസുഹ്‌റ, തിരുനാവായ ബീരാഞ്ചിറ മുഹമ്മദ് ഹനീഫ, ഹനീഫയുടെ സുഹൃത്ത് നിയാസ് എന്നിവരെയാണ് അറസ്റ്റ്‌ചെയ്തത്.
ക്വാര്‍ട്ടേഴ്‌സില്‍ പലപ്പോഴായി സ്ത്രീകളും പുരുഷന്മാരും വന്നുപോകുന്നത് ശ്രദ്ധയില്‍പ്പെട്ട പ്രദേശവാസികള്‍ പോലീസില്‍ വിവരമറിയിച്ചതിനെത്തുടര്‍ന്ന് നടന്ന അന്വേഷണത്തിലാണ് സംഘം പിടിയിലായത്.
വളാഞ്ചേരി സി.ഐ കെ.എം. സുലൈമാന്റെ നേതൃത്വത്തിലാണ് സംഘത്തെ പിടികൂടിയത്. ക്വാര്‍ട്ടേഴ്‌സില്‍നിന്ന് 17,500 രൂപയും അഞ്ച് മൊബൈല്‍ഫോണുകളും കണ്ടെടുത്തു.
അഞ്ചുവര്‍ഷമായി ക്വാര്‍ട്ടേഴ്‌സില്‍ താമസിക്കുന്ന സുബ്രഹ്മണ്യനും ഭാര്യ കമലയുമാണ് മൊബൈല്‍ ഫോണ്‍ വഴി അനാശാസ്യത്തിന് സൗകര്യമൊരുക്കിക്കൊടുത്തിരുന്നതെന്ന് പോലീസ് പറഞ്ഞു.
Summary: The Valanchery police have busted a gang who runs a brothel in a rented quarters.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
