“ഇതിന് മുമ്പ് മറ്റൊരാളെ കൊണ്ട് ഞാൻ ഷേവ് ചെയ്യിപ്പിച്ചിട്ടില്ല, എന്നാൽ ആ റെക്കോഡ് ഇന്ന് തകർന്നു”, കുറിപ്പുമായി സച്ചിൻ

അച്ചന്റെ ബാർബർ ഷോപ്പിൽ പുരുഷൻമാരെപ്പോലെ വസ്ത്രം ധരിച്ചായിരുന്നു ആ സഹോദരിമാർ ജോലിക്കെത്തിയിരുന്നത്. അവിടെ ഷേവ് ചെയ്യാനെത്തുന്ന പുരുഷൻമാർക്ക് അപരിചിതത്വം തോന്നാതിരിക്കാനായിരുന്നു അത്. ഉത്തർപ്രദേശിലെ ബൻവാരി ടോലയിലെ സഹോദരിമാരായ ജ്യോതിയുടെയും നേഹയുടെയും ജീവിതമാണിത്. സ്കൂളിൽ പോകുന്നത് മുടക്കാതെയായിരുന്നു ബാർബർ ഷോപ്പിൽ അവർ റേസർ ബ്ലേഡും കത്രികയും എടുത്തത്. നാട്ടുകാർ ആദ്യം ഇതിനോട് എതിർപ്പ് പ്രകടിപ്പിച്ചെങ്കിലും പിന്നീട് അതുമാറി.

ക്രിക്കറ്റ് ഇതിഹാസം സച്ചിൻ ടെൻഡുൽക്കറും ഇവർക്ക് പിന്തുണനൽകാൻ ബാർബർ ഷോപ്പിലെത്തി. ബൻവാരി ടോലയിലെ ബാർബർ ഷോപ്പിലെത്തി ഷേവ് ചെയ്തായിരുന്നു സച്ചിൻ തന്റെ പിന്തുണ അറിയിച്ചത്. . ഇതിന്റെ ചിത്രം സച്ചിൻ സോഷ്യൽ മീഡിയയിൽ പങ്കുവെയ്ക്കുകയും ചെയ്തു. എന്റെ ജീവിതത്തിലെ ആദ്യ അനുഭവമാണിത്. ഇതിന് മുമ്പ് മുമ്പ് മറ്റൊരാളെ കൊണ്ട് ഞാൻ ഷേവ് ചെയ്യിപ്പിച്ചിട്ടില്ല. എന്നാൽ ആ റെക്കോഡ് ഇന്ന് തകർന്നു. ഈ ‘ബാർബർ ഷോപ്പ് ഗേൾസിനെ പരിചയപ്പെടാനായതുതന്നെ ഒരു ബഹുമതിയായി കാണുന്നുവെന്ന് സച്ചിൻ ട്വിറ്രറിൽ കുറിച്ചു.

A First for me! You may not know this, but I have never gotten a shave from someone else before. That record has been shattered today. Such an honour to meet the #BarbershopGirls and present them the @GilletteIndia Scholarship.#ShavingStereotypes#DreamsDontDiscriminate pic.twitter.com/DNmA8iRYsb

— Sachin Tendulkar (@sachin_rt) May 3, 2019