കോവിഡ് ; രായിരനെല്ലൂർ മലയകയറ്റം ഇത്തവണ ചടങ്ങുകൾ മാത്രം

കൊപ്പം : കോവിഡിന്റെ പശ്ചാത്തലത്തിൽ ഇത്തവണ രായിരനെല്ലൂർ മലയകറ്റത്തിന് വിശ്വാസികൾക്ക് അനുവാദമില്ല. വിശ്വാസികളെ മലകയറുവാൻ അനുവദിക്കരുതെന്ന് ജില്ലാഭരണകൂടത്തിന്റെയും പോലീസിന്റെയും ആരോഗ്യവകുപ്പിന്റെയും നിർദേശമുണ്ട്. 17-ന് മലകയറ്റം ചടങ്ങുകളും മലമുകളിലെ ക്ഷേത്രത്തിൽ പൂജകളുമായി നടത്താനാണ് തീരുമാനമെന്ന് ശ്രീ നാറാണത്തുഭ്രാന്തൻ ദ്വാദശാക്ഷരീ ട്രസ്‌റ്റ് ചെയർമാൻ മധുസൂദനൻ ഭട്ടതിരിപ്പാട് അറിയിച്ചു. പന്തിരുകുലപ്രധാനി നാറാണത്തുഭ്രാന്തന്റെ സ്മരണയിലാണ് എല്ലാ വർഷവും തുലാം ഒന്നിന് രായിരനെല്ലൂർ മലകയറ്റം നടത്തുന്നത്. ജില്ലയിൽ 144 പ്രഖ്യാപിച്ച സാഹചര്യത്തിലും കൂടിയാണ് മലകയറ്റം ചടങ്ങ് മാത്രമാക്കുന്നത്.