റഫീഖിന്റെ വൃക്ക മാറ്റിവക്കുന്നതിന് പണം കണ്ടെത്താൻ ടൂർണമെന്റുകളുമായി എടയൂരിലെ ന്യൂ ഡ്രാഗൺ ക്ലബ്
എടയൂർ: വൃക്കരോഗത്തെ തുടർന്ന് ശസ്ത്രക്രിയക്കായി പണമില്ലാതെ വിഷമിക്കുന്ന എടയൂരിലെ ചെറുപ്പക്കാരനെ സഹായിക്കാൻ ഗ്രാമത്തിലെ ക്ലബ് ഒരുങ്ങുന്നു. എടയൂരിലെ ന്യൂ ഡ്രാഗൺ ക്ലബാണ് വ്യത്യസ്തമായ ഒരു ധനസമാഹരണ യജ്ഞവുമായി രംഗത്തെത്തിയിട്ടുള്ളത്. എടയൂർ പന്തപ്പുലാക്കൽ സിദ്ധീഖിന്റെ വൃക്കമാറ്റിവക്കൽ ശസ്ത്രക്രിയക്ക് പണം കണ്ടെത്താനാണ് ക്ലബ് ഭാരവാഹികൾ ഒരുങ്ങുന്നത്.
ശനിയാഴ്ച വൈകീട്ട് 6:30ന് എടയൂർ ചീനിച്ചോടിൽ വച്ച് പെനാൽട്ടി ഷൂട്ടൌട്ടും മുട്ടി ഫോർ ക്രിക്കറ്റ് ടൂർണമെന്റുമാണ് നടത്താൻ ഉദ്ദേശിച്ചിരിക്കുന്നതെന്ന് സംഘാടകർ വളാഞ്ചേരി ഓൺലൈനോട് പറഞ്ഞു. ഇരു മത്സരങ്ങൾക്കും ലഭിക്കുന്ന ഗ്രൌണ്ട് ഫീ സിദ്ധീഖിന്റെ ചികിത്സാ നിധിയിലേക്ക് നൽകും. മത്സരങ്ങൾക്ക് മുട്ടനാട് അടക്കമുള്ള ആകർഷകമായ സമ്മാനങ്ങളാണ് ഒരുക്കിയിരിക്കുന്നത്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
