രോഗികൾക്ക് മരുന്നുവാങ്ങാനുള്ള സഹായധനം നൽകി കുറ്റിപ്പുറം സഹകരണ ബാങ്ക്
കുറ്റിപ്പുറം: കോവിഡ് പാക്കേജിന്റെ ഭാഗമായി രോഗികൾക്ക് മരുന്നുവാങ്ങാനുള്ള സഹായധനം നൽകി കുറ്റിപ്പുറം സഹകരണബാങ്ക്. വൃക്കരോഗം, കാൻസർ, ന്യൂറോ, കാർഡിയാക് എന്നീ വിഭാഗങ്ങളിൽപ്പെട്ടവർക്കാണ് മരുന്ന് വാങ്ങിക്കുന്നതിനുള്ള തുക നൽകിയത്.
ഏപ്രിൽ 30-നുള്ളിൽ അപേക്ഷ നൽകിയ അർഹരായ മുഴുവൻപേർക്കും അവർ സമർപ്പിച്ച ബിൽത്തുക മുഴുവനായും നൽകാനാണ് ഭരണസമിതി തീരുമാനിച്ചിട്ടുള്ളത്. സഹായധന വിതരണോദ്ഘാടനം ബാങ്ക് പ്രസിഡന്റ് മഠത്തിൽ ശ്രീകുമാർ നിർവഹിച്ചു. പരപ്പാര സിദ്ദീഖ് അധ്യക്ഷനായി. പാറക്കൽ ബഷീർ, ടി.കെ. സക്കീർ, ഖത്തർ അലി, സെക്രട്ടറി റഷീദ്, കെ.പി. അസീസ് എന്നിവർ പ്രസംഗിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
