കൊളമംഗലം-കരേക്കാട് റോഡ് റബറൈസ് ചെയ്യുന്നു
വളാഞ്ചേരി: കൊളമംഗലം-കരേക്കാട് റോഡ് റബറൈസ് ചെയ്യുന്നു. റോഡിന്റെ നവീകരണ പ്രവൃത്തി മന്ത്രി കെ.ടി.ജലീൽ ഉദ്ഘാടനം ചെയ്തു. കെ.കെ.ആബിദ് ഹുസൈൻ തങ്ങൾ എംഎൽഎ ആധ്യക്ഷ്യം വഹിച്ചു. വളാഞ്ചേരി നഗരസഭാധ്യക്ഷ എം.ഷാഹിന, കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ്കുട്ടി, പഞ്ചായത്ത് പ്രസിഡന്റുമാരായ കെ.കെ.രാജീവ് (എടയൂർ), എ.പി.മൊയ്തീൻകുട്ടി (മാറാക്കര), ബ്ലോക്ക് പഞ്ചായത്ത് അംഗങ്ങളായ പരീത് കരേക്കാട്, മൊയ്തു എടയൂർ, വളാഞ്ചേരി നഗരസഭാ ഉപാധ്യക്ഷൻ കെ.വി.ഉണ്ണിക്കൃഷ്ണൻ, മരാമത്ത്‍ വകുപ്പ് എക്സിക്യൂട്ടീവ് എൻജിനീയർ എസ്.ഹാരിഷ് എന്നിവർ പ്രസംഗിച്ചു. 5.65 കോടി രൂപയാണ് നിരത്ത് നവീകരണത്തിനു വകയിരുത്തിയിട്ടുള്ളത്.
Content highlights: Road rubberisation, kolamangalam-karekkad road
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
