കുറുമ്പത്തൂർ സർവീസ് സഹകരണ ബാങ്ക് പ്രസിഡന്റായി ഫാത്തിമ ഫസ്നിയെ തിരഞ്ഞെടുത്തു
തിരുനാവായ: കുറുമ്പത്തൂർ സർവീസ് സഹകരണബാങ്കിന്റെ പ്രസിഡന്റായി മുസ്ലിംലീഗിലെ ഫാത്തിമ ഫസ്നി (24) തിരഞ്ഞെടുക്കപ്പെട്ടു. വെട്ടിച്ചിറ ചെരട മുഹമ്മദ് റാഷിദിന്റെ ഭാര്യയും വൈലത്തൂർ കാവപ്പുര മൂന്നാംകണ്ടത്തിൽ ബഷീർ-മുംതാസ് ദമ്പതിമാരുടെ മകളുമാണ്. സി.എ. വിദ്യാർഥിനിയാണ്.
നിലവിലെ പ്രസിഡന്റ് കോട്ടക്കുളത്ത് ഗഫൂറിന്റെ അംഗത്വം കോടതി റദ്ദാക്കിയതിനെത്തുടർന്നാണ് തിരഞ്ഞെടുപ്പ് നടന്നത്. നിലവിൽ ബാക്കി എട്ടംഗ ഭരണസമിതിയിൽ കോൺഗ്രസിലെ ഒരംഗവും മുസ്ലിംലീഗിലെ രണ്ട് അംഗങ്ങളും വോട്ടെടുപ്പിൽ പങ്കെടുത്തില്ല. ജില്ലയിൽ സഹകരണബാങ്കിങ് മേഖലയിൽ മുസ്ലിംലീഗിലെ ആദ്യ വനിതാ പ്രസിഡന്റാണ് ഫാത്തിമ ഫസ്നി. മൂന്നു വർഷമായി ഭരണസമിതിയംഗമാണ്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
