‘മഴ മേഘങ്ങൾക്ക് മീതെ’ വിദ്യാഭ്യാസ ശാക്തീകരണ പദ്ധതിക്ക് വളാഞ്ചേരി നഗരസഭയിൽ തുടക്കമായി
വളാഞ്ചേരി: വളാഞ്ചേരി നഗരസഭയിൽ നിന്നും 100 യുവാക്കളെ സർക്കാർ സർവീസിൽ എത്തിക്കുന്ന ‘മഴ മേഘങ്ങൾക്ക് മീതെ’ വിദ്യാഭ്യാസ ശാക്തീകരണ പദ്ധതിക്ക് തുടക്കമായി. നഗരസഭയിൽ നിന്നും രെജിസ്റ്റർ ചെയ്യുന്ന ഉദ്യോഗാർത്ഥികൾക്ക് 2 മാസത്തെ സൗജന്യ പി.എസ്.സി കോച്ചിങ് നടത്തുന്നത്. ചടങ്ങ് വളാഞ്ചേരി മുൻസിപ്പൽ ചെയർമാൻ അഷ്‌റഫ് അമ്പലത്തിങ്ങൽ ഉത്ഘാടനം ചെയ്തു. വിദ്യാഭ്യാസ കലാ-കായിക സ്റ്റാന്റിംഗ് കമ്മിറ്റി ചെയർമാൻ മുജീബ് വാലാസി അധ്യക്ഷനായിരുന്നു. വികസന കാര്യ സ്റ്റാന്റിംഗ് കമ്മറ്റി ചെയർമാൻ സിഎം റിയാസ് സ്വാഗതം പറഞ്ഞ ചടങ്ങിൽ വൈസ് ചെയർപേഴ്സൺ റംല മുഹമ്മദ് ,സ്റ്റാന്റിംഗ് കമ്മറ്റി ചെയർമാൻമാരായ മാരാത്ത് ഇബ്രാഹിം ,റൂബി ഖാലിദ് ,ദീപ്തി ശൈലേഷ് ,നഗരസഭാ സെക്രട്ടറി ഷെമീർ മുഹമ്മദ് എന്നിവർ സംസാരിച്ചു .ചടങ്ങിൽ കൗൺസിലർമാരായ താഹിറ ഇസ്മായിൽ ,ശൈലജ ,നൂർജഹാൻ ,ഉണ്ണികൃഷ്ണൻ ,സദാനന്ദൻ ,തസ്ലീമ നദീർ എന്നിവർ പങ്കെടുത്തു .രമേശ് കൊല്ലം മോട്ടിവേഷൻ ക്ലാസ്സ് എടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
