പെട്രോൾ പാചക വാതക വിലവർദ്ധന; ഡി.വൈ.എഫ്.ഐ രണ്ടത്താണിയിൽ ധർണ നടത്തി
മാറാക്കര: പെട്രോൾ പാചക വാതക വിലവർദ്ധനവിനെതിരെ ഡി.വൈ.എഫ്.ഐ വളാഞ്ചേരി ബ്ലോക്ക് കമ്മിറ്റി കേന്ദ്രസർക്കാർ ഓഫീസ് ധർണ്ണ സംഘടിപ്പിച്ചു. രണ്ടത്താണി പോസ്റ്റോഫീസിന് മുൻവശത്താണ്, രാവിലെ 10 മുതൽ 1 മണി വരെ കോവിഡ് പ്രോട്ടോകോൾ പാലിച്ചു ധർണ്ണ സംഘടിപ്പിച്ചത്. സി.പി.ഐ.എം വളാഞ്ചേരി ഏരിയ സെക്രട്ടറി കെ.പി ശങ്കരൻ മാസ്റ്റർ ഉൽഘാടനം ചെയ്തു. ലോക്കൽ സെക്രട്ടറി കെ.പി രമേശ്, കർഷക സംഘം മാറാക്കര ലോക്കൽ സെക്രട്ടറി മുഹമ്മദ് കുട്ടി എന്നിവർ അഭിവാദ്യം ചെയ്തു സംസാരിച്ചു. ആലുങ്ങൽ സൈതലവി സ്വാഗതം, ഡി.വൈ.എഫ്.ഐ ജില്ലാകമ്മിറ്റി അംഗം ഇ.എം സജിത അധ്യക്ഷത വഹിച്ചു. ഹസീബ് നന്ദി പറഞ്ഞു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
