വൈക്കത്തൂർ മഹാദേവ ക്ഷേത്രം മലബാർ ദേവസ്വം ബോർഡ് ഏറ്റെടുക്കാൻ നടത്തുന്ന നീക്കത്തിനെതിരേ വിശ്വാസികളുടെ പ്രതിഷേധം

വളാഞ്ചേരി: മലബാർ ദേവസ്വംബോർഡ് വൈക്കത്തൂർ മഹാദേവക്ഷേത്രം ഏറ്റെടുക്കാൻ നടത്തുന്ന നീക്കത്തിനെതിരേ വിശ്വാസികളുടെ പ്രതിഷേധം. വിശ്വാസികൾ ക്ഷേത്രമുറ്റത്ത് ദീപം തെളിച്ച് നാമജപത്തോടെയാണ് പ്രതിഷേധമറിയിച്ചത്.

മേൽശാന്തി മുണ്ടക്കിഴി കാലടിമന നാരായണൻ നമ്പൂതിരി ക്ഷേത്രം പ്രസിഡന്റ് സുരേഷ്‌കുമാർ മലയത്തിന് വിശ്വാസ സംരക്ഷണദീപം കൈമാറി.

തുടർന്ന് ഭക്തർ ദീപവുമായി ക്ഷേത്രപ്രദക്ഷിണം നടത്തി. സംഗമം സുനിൽകുമാർ ഉദ്ഘാടനം ചെയ്തു. കെ. കൃഷ്ണരാജ് പ്രതിജ്ഞ ചൊല്ലിക്കൊടുത്തു. സെക്രട്ടറി മാധവൻ ചാരുത, ഇ.പി. ഗോവിന്ദൻ, സുരേഷ്‌കുമാർ, എ. അജിത്കുമാർ, എം.എ. ബാലകൃഷ്ണൻ, ആർ.കെ. സുധീർ, ഉണ്ണി പാലത്തോട്ടിൽ, നഗരസഭാംഗം സി. രാമകൃഷ്ണൻ, നഗരസഭാ വൈസ് ചെയർമാൻ കെ.എം. ഉണ്ണിക്കൃഷ്ണൻ തുടങ്ങിയവർ നേതൃത്വം നൽകി.