കാടാമ്പുഴക്കടുത്ത് കിടക്കിനിര്‍മ്മാണ കേന്ദ്രം കത്തിനശിച്ചു
കാടാമ്പുഴക്കടുത്ത് പിലാത്തറ കോളനി റോഡില്‍ പ്രവര്‍ത്തിക്കുന്ന കിടക്കിനിര്‍മ്മാണ കേന്ദ്രം കത്തിനശിച്ചു. പിലാത്തറ സ്വദേശി സി.വി. മുസ്തഫയുടെ ഉടമസ്ഥതയിലുള്ളതാണ് കിടക്ക യൂണിറ്റ്. ജോലി ചെയ്തിരുന്ന മണ്ണേക്കര മൊയ്തീന്റെ മകള്‍ ഫൗസിയക്ക് പൊള്ളലേറ്റു. ഇന്ന് ഉച്ചക്ക് പന്ത്രണ്ടിനായിരുന്നു സംഭവം. ഷോര്‍ട്ട് സര്‍ക്യൂട്ടാണ് തീ ആളിപ്പടരാനിടയായതെന്നാണ് പ്രാഥമിക നിഗമനം. വില്പനക്കുവെച്ചിരുന്ന കിടക്കകളും പഞ്ഞിനിറച്ച ചാക്കുകളും നിമിഷങ്ങള്‍ക്കകം കത്തിപ്പോയി. 25 ലക്ഷം രൂപയുടെ നഷ്ടം കണക്കാക്കുന്നു. തിരൂരില്‍ നിന്നെത്തിയ രണ്ട് യൂണിറ്റ് ഫയര്‍ ഫോഴ്‌സാണ് തീയണച്ചത്. തീ ആളിപ്പടരുമ്പോള്‍ കിടക്ക ഫാക്ടറിക്കകത്ത് സ്ത്രീകളുള്‍പ്പെടെ 13 പേര്‍ ജോലിചെയ്തിരുന്നു. സ്ഥാപനത്തോട് ചേര്‍ന്ന് പുറത്ത് നിര്‍ത്തിയിട്ടിരുന്ന ഒരു ഡെലിവറി വാനും കത്തിനശിച്ചിട്ടുണ്ട്.
വളാഞ്ചേരി സി.ഐ. അബ്ദുള്‍ ബഷീർ, കാടാമ്പുഴ എസ്.ഐ. ശിവദാസന്‍, എന്നിവരും നാട്ടുകാരും ചേര്‍ന്ന് രക്ഷാപ്രവര്‍ത്തനങ്ങള്‍ നടത്തി.
Summary: A bed making unit was completely burned down due to short circuit on thursday.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
