പ്രധാനമന്ത്രിയുടെ പിറന്നാൾ ആഘോഷങ്ങളുടെ ഭാഗമായി യുവമോർച്ച വളാഞ്ചേരിയിൽ നവഭാരത് ക്രിക്കറ്റ് മേള നടത്തി

വളാഞ്ചേരി : പ്രധാനമന്ത്രി നരേന്ദ്രമോദിയുടെ പിറന്നാൾ ആഘോഷങ്ങളുടെ ഭാഗമായി യുവമോർച്ച ജില്ലാകമ്മിറ്റി നവഭാരത് ക്രിക്കറ്റ് മേള നടത്തി. വണ്ടൂർ നിയോജകമണ്ഡലം ജേതാക്കളായി. മങ്കട രണ്ടും നിലമ്പൂർ മൂന്നും സ്ഥാനക്കാരായി. വളാഞ്ചേരി ഹൈസ്‌കൂൾ മൈതാനത്ത്‌ ബി.ജെ.പി. ജില്ലാപ്രസിഡന്റ് രവി തേലത്ത് ഉദ്ഘാടനംചെയ്തു.

യുവമോർച്ച ജില്ലാപ്രസിഡന്റ് സജേഷ് ഏലയിൽ അധ്യക്ഷതവഹിച്ചു. സംസ്ഥാന സെക്രട്ടറി ശിത്തു കൃഷ്ണൻ മുഖ്യപ്രഭാഷണം നടത്തി. ജില്ലാ ജനറൽസെക്രട്ടറി ശ്രീനാഥ് കോട്ടേപ്പാടം, അനീഷ് മൂക്കുതല, വൈസ് പ്രസിഡന്റ് ഉണ്ണിക്കൃഷ്ണൻ തൊഴാക്കര, ജില്ലാസെക്രട്ടറി ശ്രീനാഥ് കരുവാരക്കുണ്ട്, വനിതാ കോ-ഓർഡിനേറ്റർ നീനു ലതിക, മണ്ഡലം പ്രസിഡന്റ് അഖിൽ, ബി.ജെ.പി. മണ്ഡലം പ്രസിഡന്റ് സജീഷ് പൊന്മള, സതീഷ്‌ബാബു, സുരേഷ് പാറത്തൊടി, സജു കുളത്തൂർ എന്നിവർ പങ്കെടുത്തു.