HomeNewsIncidentsവളാഞ്ചേരിയിൽ മധ്യവയസ്കയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി

വളാഞ്ചേരിയിൽ മധ്യവയസ്കയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി

dead-body

വളാഞ്ചേരിയിൽ മധ്യവയസ്കയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി

വളാഞ്ചേരി: വളാഞ്ചേരിയിൽ മധ്യവയസ്കയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. പൂന്തുറ സ്വദേശിനി സൂഫി മൻസിലിൽ നഫീസത്തി(52)നെയാണ് മരിച്ച നിലയിൽ കണ്ടെത്തി. വൈക്കത്തൂർ ഭാഗത്തെ വാടക വീട്ടിലാണ് ഇവരെ മരിച്ച നിലയിൽ കണ്ടെത്തിയത്. ഇവർ ഹോം നഴ്സായി സേവനമനുഷ്ടിച്ച് വരികയായിരുന്നുവെന്ന് പറയുന്നു. മൃതദേഹത്തിന് മൂന്ന് ദിവസത്തിലധികം പഴക്കമുണ്ടെന്ന് കരുതുന്നു. മരണത്തിൽ ദുരൂഹത ഉള്ളതിനാൽ വിരലടയാള വിദഗ്ധരും ഫോറൻസിക് ഉദ്യോഗസ്ഥരും പരിശോധന നടത്തി. മലപ്പുറം എസ്.പി, തിരൂർ ഡി.വൈ.എസ്.പി, വളാഞ്ചേരി സിഐ തുടങ്ങിയവർ സ്ഥലത്തെത്തിയിരുന്നു. ഇവർ താമസിക്കുന്ന വാടകവീടിന്റെ വാതിലുകൾ തുറന്നിട്ട നിലയിലായിരുന്നു. വീടിനകത്തെ ടെലിവിഷൻ ഉയർന്ന ശബ്ദത്തിൽ പ്രവർത്തിച്ചിരുന്നു.

30 വർഷത്തിലധികമായി ഹോം നേഴ്സിംഗ് രംഗത്ത് പ്രവർത്തിക്കുന്ന നഫീസത്ത് ജില്ലയുടെ വിവിധ ഭാഗങ്ങളിലായി താമസിച്ചിരുന്നു. നാലുമാസത്തോളം ആയാണ് വൈലത്തൂരിൽ താമസിച്ചുവന്നിരുന്നത്. ശനിയാഴ്ച ഇവരെ കണ്ടിരുന്നതായി നാട്ടുകാർ പറയുന്നു. അതേസമയം മരണകാരണം ദുരൂഹമായി നിലനിൽക്കുകയാണ്. ഇവരുമായി ബന്ധമുള്ളവരെ കേന്ദ്രീകരിച്ച് പൊലീസ് അന്വേഷണം ആരംഭിച്ചു. ഇൻക്വസ്റ്റ് നടപടികൾക്കുശേഷം മൃതദേഹം പോസ്റ്റ്മോർട്ടം നടപടികൾക്കായി കോഴിക്കോട് മെഡിക്കൽ കോളേജിലേക്ക് മാറ്റി.


വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here

No Comments

Leave A Comment

Don`t copy text!