പ്രവാസി സംഘം വളാഞ്ചേരി ഏരിയാസമ്മേളനം സംഘടിപ്പിച്ചു

കുറ്റിപ്പുറം : പ്രവാസികളുടെ എമിഗ്രേഷൻ ഫണ്ട് തിരിച്ചുവന്ന പ്രവാസികളെ പുനരധിവസിപ്പിക്കാനുള്ള പദ്ധതികൾക്ക് ഉപയോഗപ്പെടുത്തണമെന്ന് കുറ്റിപ്പുറം നടുവട്ടത്ത് നടന്ന പ്രവാസി സംഘം വളാഞ്ചേരി ഏരിയാസമ്മേളനം ആവശ്യപ്പെട്ടു. സംസ്ഥാന പ്രവർത്തകസമിതി അംഗം കെ.സി. സജീവ് തൈക്കാട് ഉദ്ഘാടനംചെയ്തു. ഏരിയാ പ്രസിഡന്റ് ടി.പി. അബ്ദുൾഗഫൂർ അധ്യക്ഷനായി.

വിവിധ മേഖലകളിലെ പ്രതിഭകളെ ആദരിച്ചു. ഉസ്‌മാൻ പൂളക്കോട്ട്, കെ.പി. ശങ്കരൻ, വി.കെ. രാജീവ്, കെ.ടി.ഒ. ഷിഹാബ്, ശ്രീനിവാസൻ വാരിയത്ത്, ഡോ. ശുഭ, കെ. രാമചന്ദ്രൻ, വി.കെ. രാജേന്ദ്രൻ, ഹംസ മാണിയങ്കാട് തുടങ്ങിയവർ പ്രസംഗിച്ചു. പൊതുസമ്മേളനം ജില്ലാസെക്രട്ടറി അഡ്വ. ഗഫൂർ പി. ലില്ലീസ് ഉദ്ഘാടനംചെയ്തു. ഏരിയാ പ്രസിഡന്റ്‌ ടി.പി. അബ്ദുൾഗഫൂർ അധ്യക്ഷനായി. നാസർ കൊളായി, ഉസ്‌മാൻ പൂളക്കോട്ട്, ചാഞ്ചാത്ത് മൊയ്തീൻകുട്ടി, കെ.പി. ഗോപാലൻ, ഹംസ മാണിയങ്കാട്, ഷെബീർ മാണിയങ്കാട്, കെ.കെ. മുസ്തഫ, പ്രവീൺ നടുവട്ടം തുടങ്ങിയവർ പ്രസംഗിച്ചു.

ഭാരവാഹികൾ: ടി.പി. അബ്ദുൾ ഗഫൂർ (പ്രസി.), കുഞ്ഞു ചുങ്കം, ഹനീഫ തെയ്യമ്പാട്ടിൽ (വൈസ്‌ പ്രസി.), കെ.കെ. മുസ്തഫ (സെക്ര.), സി. അബ്ദുൾറസാഖ്, വേണു എടയൂർ (ജോ. സെക്ര.), ഹംസ മാണിയങ്കാട് (ട്രഷ.).