കുറ്റിപ്പുറം പഞ്ചായത്തിൽ പ്രതിരോധ കുത്തിവെയ്പ്പ് ദിനചാരണം സംഘടിപ്പിച്ചു

കുറ്റിപ്പുറം : ലോക പ്രതിരോധ കുത്തിവെയ്പ്പ് ദിനചാരണം സംഘടിപ്പിച്ചു. ആരോഗ്യ സുകൃതം അമ്മയും കുഞ്ഞും എന്ന പേരിൽ കുറ്റിപ്പുറം ഗ്രാമപഞ്ചായത്തും താലൂക്ക് ആശുപത്രിയും സംയുക്തമായി നടത്തിയ പരിപാടി ഗ്രാമ പഞ്ചായത്ത്‌ പ്രസിഡന്റ്‌ ഫസീന അഹമദ്കുട്ടി ഉദ്ഘാടനം ചെയ്തു. കുറ്റിപ്പുറം ബ്ലോക്ക്‌ ആരോഗ്യ സ്റ്റാൻഡിങ് കമ്മിറ്റി ചെയർമാൻ റിംഷാനി അധ്യക്ഷയായി. താലൂക്ക് ആശുപത്രി മെഡിക്കൽ ഓഫീസർ ഡോ. ആലിയാമ്മു, കുറ്റിപ്പുറം പഞ്ചായത്ത്‌ ആരോഗ്യ സ്റ്റാൻഡിങ് ചെയർമാൻ പൂക്കോയ തങ്ങൾ, ഹെൽത്ത്‌ സൂപ്പർവൈസർ ശംബു, പബ്ലിക് ഹെൽത്ത്‌ നഴ്സിംഗ് സൂപ്പർവൈസർ ഗീത, ഹെൽത്ത്‌ ഇൻസ്‌പെക്ടർ മൊയ്‌തീൻ കുട്ടി എന്നിവർ സംസാരിച്ചു. പ്രതിരോധ കുത്തിവെയ്പ്പിൽ എ പ്ലസ് നേടിയ കുട്ടികൾക്ക് സർട്ടിഫിക്കറ്റുകൾ ചടങ്ങിൽവിതരണം ചെയ്തു.