ഒരോടംപാലത്ത് ലോറി തോട്ടിലേക്ക് മറിഞ്ഞ് അപകടം
അങ്ങാടിപ്പുറം: പാലക്കാട്‌-കോഴിക്കോട് ദേശീയ പാതയിൽ തിരൂർക്കാട് ഒരാടംപാലത്ത് വാഹനാപകടം തുടർകഥയാവുന്നു. പാലത്തിന്‍റെ കൈവരികൾ തകർത്ത് ലോറി പുഴയിലേക്ക് മറിഞ്ഞു. ഇന്ന് (28-AUG-2019 ബുധന്‍) പുലർച്ചെയാണ് അപകടം നടന്നത്. വാഹനത്തിൽ ഉണ്ടായിരുന്ന രണ്ട് പേർ പരിക്കുകളോടെ പെരിന്തൽമണ്ണയിലെ സ്വകാര്യ ആശുപത്രിയിൽ ചികിത്സയിലാണ്. ദേശീയ പാതയിലെ ഒരാടംപാലം സ്ഥിരം അപകട മേഖലയാവുകയാണ്. ഈ മാസം 17 ന് ലോറി പുഴയിൽ വീണത് ഉൾപ്പെടെ ചെറുതും വലുതുമായ നിരവധി അപകടങ്ങളാണ് ഇവിടെ സംഭവിച്ചത്. വീതികൂടിയ ദേശീയ പാതക്ക് ഇടയില്‍ വരുന്ന ഒരാടംപാലത്തിന്‍റെ വീതി കുറവാണ് അപകടങ്ങൾക്ക് കാരണമാകുന്നത്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
