വളാഞ്ചേരി മൂച്ചിക്കൽ ഓണിയിൽ പാലത്തിനുസമീപം റോഡരികിൽ അപകടഭീഷണിയായി ചീനിമരം
വളാഞ്ചേരി : അപകടഭീഷണിയായി ദേശീയപാതയിൽ കൂറ്റൻചീനിമരം. വളാഞ്ചേരി – കുറ്റിപ്പുറം റോഡിൽ മൂച്ചിക്കൽ ഓണിയിൽ പാലത്തിനുസമീപം റോഡരികിലെ ചീനിമരമാണ് ഭീഷണിയായി നിൽക്കുന്നത്. വാഹനങ്ങൾക്കും കാൽനടയാത്രക്കാർക്കും സമീപത്തെ കെട്ടിടങ്ങൾക്കുമെല്ലാം മരം ഭീഷണിയാണ്. കാലപ്പഴക്കംമൂലം കൊമ്പുകൾ പലതും ഒടിഞ്ഞുവീഴാറായിട്ടുണ്ട്. മരത്തിനടിയിലൂടെ ഹൈടെൻഷൻ വൈദ്യുതിക്കമ്പികളുൾപ്പെടെ നിരവധി ലൈനുകൾ പോകുന്നത് ദുരന്തത്തിനിടയാക്കുമെന്നാണ് സമീപവാസികളുടെ ആശങ്ക.
പ്രദേശവാസികൾ നഗരസഭയിലും കളക്ടറേറ്റിലും പൊതുമരാമത്തു മന്ത്രിക്കും ദേശീയപാത അധികൃതർക്കും നേരത്തെ പരാതി നൽകിയിരുന്നു. എന്നാൽ, തുടർനടപടിയൊന്നും ഉണ്ടായില്ലെന്ന് ഹ്യൂമൺ റൈറ്റ്‌സ് കെയർ സെന്റർ കോട്ടയ്ക്കൽ നിയോജകമണ്ഡലം കമ്മിറ്റി ആരോപിച്ചു. ബാവ കാളിയത്ത്, വില്ലൂർ മുസ്തഫ, പുത്തൂർ ഹംസ എന്നിവർ പ്രസംഗിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
