HomeNewsDisasterപാലക്കാപറമ്പില്‍ മിന്നലേറ്റ് വിദ്യാര്‍ഥിനി മരിച്ചു; രണ്ടുപേര്‍ക്ക് പരിക്കേറ്റു

പാലക്കാപറമ്പില്‍ മിന്നലേറ്റ് വിദ്യാര്‍ഥിനി മരിച്ചു; രണ്ടുപേര്‍ക്ക് പരിക്കേറ്റു

പാലക്കാപറമ്പില്‍ മിന്നലേറ്റ് വിദ്യാര്‍ഥിനി മരിച്ചു; രണ്ടുപേര്‍ക്ക് പരിക്കേറ്റു

കൊണ്ടോട്ടി: സ്‌കൂള്‍വിട്ട് വീട്ടിലേക്ക് പോകുന്നതിനിടെ മിന്നലേറ്റ് വിദ്യാര്‍ഥിനി മരിച്ചു. കൂടെയുണ്ടായിരുന്ന രണ്ടുപേര്‍ക്ക് പരിക്കേറ്റു. നെടിയിരുപ്പ് കൈതക്കോട് പി. ആലിക്കുട്ടിയുടെ മകള്‍ ഫാത്തിമ ഫര്‍സാന(15)യാണ് മരിച്ചത്. മുക്കൂട് പാലേക്കോട് പി.കെ. മുഹമ്മദ് ഷഫീഖിന്റെ മകള്‍ പി.കെ. ഷഹന ജബിന്‍ (15), മുക്കൂട് പുളിക്കല്‍ അലവിയുടെ മകള്‍ റിന്‍ഷിന (15) എന്നിവര്‍ക്കാണ് പരിക്കേറ്റത്.

കൊട്ടൂക്കര പി.പി.എം.എച്ച്.എസ്.എസിലെ പത്താം ക്ലാസ് വിദ്യാര്‍ഥിനികളാണ് മൂവരും. ശനിയാഴ്ച വൈകീട്ട് നാലരയോടെയാണ് അപകടം. പാലക്കാപറമ്പില്‍ വിമാനത്താവള അതോറിറ്റി ഏറ്റെടുത്ത ഒഴിഞ്ഞ പറമ്പില്‍വെച്ചാണ് മിന്നലേറ്റത്.

നാട്ടുകാര്‍ ഉടന്‍ കുട്ടികളെ കൊണ്ടോട്ടിയിലെ സ്വകാര്യ ആശുപത്രിയിലെത്തിച്ചെങ്കിലും ഫാത്തിമ ഫര്‍സാനയെ രക്ഷിക്കാനായില്ല. ഗുരുതരമായി പരിക്കേറ്റ ഷഹന ജബിനെ കോഴിക്കോട് മെഡിക്കല്‍കോളേജ് ആശുപത്രിയിലേക്ക് മാറ്റി. ഫാത്തിമ ഫര്‍സാനയുടെ മാതാവ്: ഫാരിഷ. സഹോദരങ്ങള്‍: ഫെബിന, മുഹമ്മദ് റബീഹ്, ബഹ്ജത്ത്. മൃതദേഹം മഞ്ചേരി മെഡിക്കല്‍ കോളേജ് മോര്‍ച്ചറിയിലേക്ക് മാറ്റി.


വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here

No Comments

Leave A Comment

Don`t copy text!