കാടാമ്പുഴ ക്ഷേത്രത്തിൽ പടിഞ്ഞാറെ നടവഴിയുടെ ഉത്തരം വെച്ചു

മാറാക്കര: കാടാമ്പുഴ ഭഗവതീക്ഷേത്രത്തിൽ പണിയുന്ന പടിഞ്ഞാറെ നടവഴിയുടെ ഉത്തരംവെപ്പ് തന്ത്രി അണ്ടലാടി ഉണ്ണി നമ്പൂതിരിപ്പാടിന്റെ മുഖ്യകാർമികത്വത്തിൽ നടന്നു. എക്‌സിക്യുട്ടീവ് ഓഫീസർ എ.എസ്. അജയകുമാർ, മാനേജർ എൻ.വി. മുരളീധരൻ, സൂപ്രണ്ടുമാരായ പി.പി. മീര, പി.കെ. രവി, എൻജിനീയർ കെ. വിജയകൃഷ്ണൻ, ഫാർമസിസ്റ്റ് കെ. വേണുഗോപാൽ, ശോഭ ലിമിറ്റഡ് വൈസ് പ്രസിഡന്റ് മനോജ്കുമാർ എന്നിവരും ക്ഷേത്രം ജീവനക്കാർ, ഭക്തജനങ്ങൾ തുടങ്ങിയവരും പങ്കെടുത്തു.