വളാഞ്ചേരി: വളാഞ്ചേരി ഫുട്ബാൾ അസോസിയേഷൻ(വിഎഫ്എ)

നടത്തിയ ഫുട്ബോൾ ടൂർണമെന്റിലെ ലാഭവിഹിതം വിവിധ സ്ഥാപനങ്ങൾക്കു നൽകുന്ന ചടങ്ങ് ഇ.ടി.മുഹമ്മദ് ബഷീർ എംപി ഉദ്ഘാടനം ചെയ്തു. വിഎഫ്എ പ്രസിഡന്റ് എൻ.അബൂബക്കർ ഹാജി ആധ്യക്ഷ്യം വഹിച്ചു.

ആതവനാട് മുഹമ്മദ്കുട്ടി, എം.ഷാഹിന, ഉപാധ്യക്ഷൻ കെ.വി.ഉണ്ണിക്കൃഷ്ണൻ, സി.അബ്ദുനാസർ, സി.രാമകൃഷ്ണൻ, സി.എച്ച്.അബൂയൂസഫ് ഗുരുക്കൾ, അഷ്റഫ് അമ്പലത്തിങ്ങൽ, സലാം വളാഞ്ചേരി, ടി.പി.അബ്ദുൽഗഫൂർ, വി.പി.അബ്ദുറഹിമാൻ തുടങ്ങിയവർ പ്രസംഗിച്ചു.

കഴിഞ്ഞ ടൂർണമെന്റിൽ ലഭിച്ച ലാഭവിഹിതത്തിൽ അരലക്ഷം രൂപ തിരുവനന്തപുരം സിഎച്ച് സെന്ററിനും, കാൽലക്ഷം രൂപ വീതം കുറ്റിപ്പുറം ബ്ലോക്ക് പഞ്ചായത്തിന്റെ പകൽവീട്, വളാഞ്ചേരി പാലിയേറ്റീവ് കെയർയൂണിറ്റ് എന്നിവയ്ക്കുമാണ് നൽകിയത്. വ്യക്തികൾക്കുള്ള സഹായവും ഇതോടൊപ്പം വിതരണം ചെയ്തു.