കോവിഡ്; വളാഞ്ചേരിയിൽ ഇടറോഡുകൾ അടച്ചു

വളാഞ്ചേരി : കോവിഡ് രോഗവ്യാപനത്തെത്തുടർന്ന് ഡി. വിഭാഗത്തിലായ വളാഞ്ചേരിയിലേയും പരിസരങ്ങളിലേയും വിവിധ ഇടറോഡുകൾ പോലീസ് അടച്ചുപൂട്ടി. അതത് പ്രദേശങ്ങളിലെ ജനപ്രതിനിധികളുടെ സഹകരണത്തോടെ വളാഞ്ചേരി എസ്.എച്ച്.ഒ. എസ്. അഷറഫിന്റെ നേതൃത്വത്തിലുളള സംഘമാണ് റോഡുകൾ അടച്ചുപൂട്ടിയത്. മീമ്പാറ-വൈക്കത്തൂർ, വളാഞ്ചേരി-നരിപ്പറ്റ, കോട്ടപ്പുറം-അമ്പാൾ, വലിയകുന്ന്-പൂക്കാട്ടിരി തുടങ്ങിയ ഇടറോഡുകളാണ് അടച്ചത്.