പാലിയേറ്റീവ് ദിനം; പരിരക്ഷ രോഗികളുടെ സംഗമം വളാഞ്ചേരിയിൽ നടന്നു

പാലിയേറ്റീവ് ദിനത്തോടനുബന്ധിച്ചു വളാഞ്ചേരി പ്രാഥമികാരോഗ്യ കേന്ദ്രവും മുനിസിപ്പാലിറ്റിയും ചേർന്ന് പരിരക്ഷ രോഗികളുടെ സംഗമം നടത്തി. രാവിലെ പത്തു മണി മുതൽ വൈകുന്നേരം മൂന്നു മണി വരെ വിവിധ കലാ പരിപാടികൾ ഉണ്ടായിരുന്നു. വ്യാപാരി വ്യവസായിക വളാഞ്ചേരി യൂണിറ്റും മറ്റു വ്യക്തികളും രോഗികൾക്കു ഉപഹാരങ്ങൾ നൽകി. സംഗമം മുനിസിപ്പൽ ചെയർ പേഴ്സൺ സി കെ റുഫീന ഉദ്ഘാടനം ചെയ്തു. സ്റ്റാന്റിംഗ് കമ്മിറ്റി ചെയര്മാരായ ഫാത്തിമകുട്ടി, സി രാമകൃഷ്ണൻ, കൗൺസിലർമാരായ മുസ്തഫ, നൗഫൽ, റഹ്മത്ത്, അച്യുതൻ, പരിരക്ഷ ചെയർമാൻ പാറശേരി അസൈനാർ, ഷാഹിദ്, എച് ഐ, മുനിസിപ്പൽ സെക്രട്ടറി, അനിത എന്നിവർ പങ്കെടുത്തു.