പുറമണ്ണൂർ പാഠശേഖരത്തിൽ ജനകീയ കൂട്ടായ്മയിൽ നെൽ കൃഷിയിറക്കി

ഇരിമ്പിളിയം: ഇരിമ്പിളിയം പഞ്ചായത്തിലെ പുറമണ്ണൂരിൽ ഏഴാം വാർഡിൽ ഉൾപ്പെട്ട വടക്കു മുറിയിൽ മുപ്പത്തിയഞ്ച് വർഷത്തോളമായി തരിശായി കിടന്നിരുന്ന പാഠ ശേഖരത്തിൽ നാട്ടുകാർ ജനകീയ കൂട്ടായ്മയിൽ നെൽ കൃഷിയിറക്കി. പഞ്ചായത്ത് വികസന കാര്യ സ്റ്റാന്റിങ്ങ് കമ്മറ്റി ചെയർമാൻ വി.ടി. അമീർ ഞാറ് നട്ടുകൊണ്ട് ഉദ്ഘാടനം ചെയ്തു. കുട്ടികളും സ്ത്രീകളും ഉൾപ്പടെയുള്ളവർ പാടത്തിറങ്ങി ഞാറു നടീലിൽ പങ്കാളികളായി.

വാർഡു മെമ്പർ കെ.പി ജസീന അധ്യക്ഷയായി. ടി.മുഹമ്മദ് കുട്ടി മാസ്റ്റർ കെ.പി.അത്താവു റഹ്മാൻ, കെ.പി യൂനസ് എന്നിവർ പ്രസംഗിച്ചു. ടി.ടി. ആഷിഖ്, കെ.പി മുജീബ്, പി ഷൗക്കത്ത്, ടി. നിസാർ, ടി.മജീദ്, എം. നാസർ, ടി.കുഞ്ഞാണി, കെ.പി ഇബ്രാഹിം, കെ.പി ഷംസു, എം. അനസ്, പി.കെ മുനീർ, സുഫൈദ്, ടി.ഗഫൂർ, എം.കുഞ്ഞാപ്പു തുടങ്ങിയവർ നേതൃത്വം നൽകി.