പുറമണ്ണൂർ തങ്ങൾപടി-ലക്ഷംവീട് കോളനി റോഡ് ഉദ്ഘാടനം ചെയ്തു

ഇരിമ്പിളിയം : തൊഴിലുറപ്പ് പദ്ധതിയിലുൾപ്പെടുത്തി റോഡ് നിർമിച്ച് ഇരിമ്പിളിയം ഗ്രാമപ്പഞ്ചായത്ത്. പുറമണ്ണൂർ ആറാംവാർഡിലെ തങ്ങൾപടി-ലക്ഷംവീട് കോളനി റോഡാണ് സ്ത്രീകളുടെ കൈക്കരുത്തിൽ പണിതീർത്തത്. പതിനൊന്ന് വനിതാ തൊഴിലാളികൾ പന്ത്രണ്ടുദിവസം ജോലിചെയ്താണ് റോഡ് പൂർത്തിയാക്കിയത്. ബ്ലോക്ക് പഞ്ചായത്ത്‌ പ്രസിഡന്റ് വസീമ വേളേരി ഉദ്ഘാടനംചെയ്തു. ഗ്രാമപ്പഞ്ചായത്ത് പ്രസിഡന്റ് കെ. മാനുപ്പ അധ്യക്ഷതവഹിച്ചു.

വികസനകാര്യ സ്ഥിരംസമിതി അധ്യക്ഷൻ വി.ടി. അമീർ, ബ്ലോക്ക് പഞ്ചായത്തംഗം കെ.എം. അബ്ദുറഹ്‌മാൻ, ഗ്രാമപ്പഞ്ചായത്തംഗം കെ.പി. ജസീന, തൊഴിലുറപ്പ് തൊഴിലാളികളായ വട്ടപ്പറമ്പിൽ രമണി, ആർ.കെ. സുമതി എന്നിവർ പ്രസംഗിച്ചു.