അപകടത്തിൽ പരിക്കേറ്റ് ചികിത്സയിലായിരുന്ന അധ്യാപകൻ മരണപ്പെട്ടു

വളാഞ്ചേരി : അപകടത്തിൽ പരിക്കേറ്റ് ചികിത്സയിലായിരുന്ന അധ്യാപകൻ മരണപ്പെട്ടു. വളാഞ്ചേരിയിലെ സിപിഐഎം നേതാക്കളായിരുന്ന പരേതനായ പി വി ചന്ദ്രശേഖരൻ മാസ്റ്ററുടെയും കെ ടി ശാരദ ടീച്ചറുടെയും മകൻ സി എസ് അജയൻ (54) ആണ് മരണപ്പെട്ടത്.

തിങ്കളാഴ്ച പകൽ പതിനൊന്നു മണിയോടെയാണ് വളാഞ്ചേരി-പട്ടാമ്പി റോഡിലെ കോട്ടപ്പുറത്തു വെച്ച് ഇയാൾ സഞ്ചരിച്ചിരുന്ന ബൈക്കിൽ കാർ ഇടിച്ചാണ് അപകടം നടന്നത്. തുടർന്ന് പെരിന്തൽമണ്ണ ഇ.എം.എസ് സഹകരണ ആശുപത്രിയിൽ തീവ്ര പരിചരണ വിഭാഗത്തിൽ ചികിത്സയിലായിരുന്നു. ബോധരഹിതനായിരുന്ന ഇദ്ദേഹം വ്യാഴാഴ്ച എട്ടരയോടെയാണ് മരണപ്പെട്ടത്. വെള്ളിയാഴ്ച രാവിലെ പോസ്റ്റുമോർട്ടത്തിന് ശേഷം സംസ്കാരം നടക്കും. ഭാര്യ: അജിത (അധ്യാപിക, ഗവ യു പി സ്കൂൾ പൈങ്കണ്ണൂർ ). മക്കൾ: അജീഷ്, അജോയ്.