കുറ്റിപ്പുറം ബി.ആർ.സിക്കു കീഴിൽ നഗരസഭാ ടാലന്റ് ലാബ് വളാഞ്ചേരി ഹയർസെക്കൻഡറി സ്കൂളിൽ തുടങ്ങി

വളാഞ്ചേരി : കുറ്റിപ്പുറം ബി.ആർ.സിക്കു കീഴിൽ നഗരസഭാ ടാലന്റ് ലാബ് വളാഞ്ചേരി ഹയർസെക്കൻഡറി സ്കൂളിൽ തുടങ്ങി. ഇതിന്റെ ഭാഗമായി തിരഞ്ഞെടുത്ത കുട്ടികൾക്ക് ചിത്രംവര, സംഗീതം, പ്രവൃത്തിപരിചയം എന്നീ മേഖലകളിൽ പരിശീലനം നൽകും.

ബി.ആർ.സി. പരിശീലകൻ കെ.ടി. ജഗദീഷ് ഉദ്ഘാടനംചെയ്തു. പ്രഥമാധ്യാപിക ടി.വി. ഷീല അധ്യക്ഷതവഹിച്ചു. ബിൻസി.എൻ. ചാണ്ടി, സുരേഷ് പൂവാട്ടുമീത്തൽ, എം.ആർ. സജീഷ്, കെ.എം. ശശിധരൻ, കെ. പ്രേംരാജ്, സി. രമ എന്നിവർ പങ്കെടുത്തു. പി. സുജാത ക്ലാസിന് നേതൃത്വംനൽകി.