HomeNewsAccidentsമൂടാലിൽ ആറ് വാഹനങ്ങൾ കൂട്ടിയിടിച്ച് അപകടം

മൂടാലിൽ ആറ് വാഹനങ്ങൾ കൂട്ടിയിടിച്ച് അപകടം

markaz-accident

മൂടാലിൽ ആറ് വാഹനങ്ങൾ കൂട്ടിയിടിച്ച് അപകടം

വളാഞ്ചേരി ഓൺലൈനിൽ വാർത്തകൾ നൽകാൻ +919995926236 എന്ന നമ്പറിൽ വാട്സാപ് ചെയ്യൂ.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ https://t.me/vlyonline


കുറ്റിപ്പുറം: ദേശീയപാത 66ൽ കുറ്റിപ്പുറത്തിനടുത്ത് മൂടാലിൽ ആറ് വാഹനങ്ങൾ അപകടത്തിൽപെട്ടു. അപകടത്തിൽ ഒരാൾക്ക് പരിക്കേറ്റു. രണ്ട് നാഷണൽ പെർമിറ്റ് ലോറിയും, 2 മഹീന്ദ്ര ലോഡ്കിങ്ങുകളും ഒരു കാറും ഒരു മോട്ടോർ ബൈക്കുമാണ് അപകടത്തിൽപ്പെട്ടത്. മൂടാൽ ജാറത്തിന് സമീപത്തെ കയറ്റത്തിൽ ഇന്ന് 12 മണിയോടെയാണ് അപകടമുണ്ടായത്. ജാറത്തിന് സമീപത്തെ കയറ്റത്തിൽ കുടുങ്ങിയ ലോറി പിറകിലേക്ക് ഉരുണ്ടു നീങ്ങുകയായിരുന്നു. പിറകിൽ വരികയായിരുന്ന കാറും ലോറിയും ലോഡ് കിങ്ങുകളിലും ഇടിക്കുകയായിരുന്നു.
markaz-accident
ലോഡ്കിങ്ങുകൾ വശങ്ങളിലേക്ക് ഒടിച്ചാണ് നിറുത്താനായത്. ഇതിനിടയിൽ പെട്ട ബൈക്ക് മറിഞ്ഞാണ് ഓടിച്ചിരുന്നയാൾക്ക് പരിക്കേറ്റത്. ഗുരുവായൂരിൽ നിന്ന് കാസർഗോട്ടേക്ക് പോവുകയായിരുന്ന കുടുംബമാണ് കാറിലുണ്ടായിരുന്നത്. ഉരുണ്ട് വന്ന ലോറിക്കും പിറകിലെ ലോറിക്കും ഇടയിൽ കുടുങ്ങിയ കാർ പൂർണമായി തകർന്നു. അപകടത്തെതുടർന്ന് പോലീസും മോട്ടോർ വാഹനവകുപ്പ് അധികൃതരും സ്ഥലത്തെത്തി സ്ഥിതിഗതികൾ നിയന്ത്രിച്ചു.

No Comments

Leave A Comment