‘സ – ഒരു സമരമാണ്’ പ്രകാശനം ചെയ്തു

വളാഞ്ചേരി: യുവ എഴുത്തുകാരൻ ശരത് പ്രകാശ് എഴുതിയ സ-ഒരു സമരമാണ് എന്ന പുസ്തകം പ്രകാശനം ചെയ്തു. വളാഞ്ചേരി എം.ഇ.എസ് കെ.വി.എം കോളേജ് ക്യാമ്പസിലെ ചീനിമരച്ചോട്ടിൽ വച്ച് നടന്ന ചടങ്ങിൽ ആർട്ടിസ്റ്റ് നമ്പൂതിരി ഊരാളി ബാന്റിന്‌ പുസ്തകത്തിന്റെ പ്രതി കൈമാറി പ്രകാശന കർമ്മം നിർവഹിച്ചു. ധനമന്ത്രി തോമസ് ഐസക്കാണ് പുസ്തകത്തിന്റെ ആമുഖം രചിച്ചിരിക്കുന്നത്.

യുവ നടൻ അനീഷ് ജി മേനോൻ ചടങ്ങിൽ അധ്യക്ഷനായിരുന്നു. പുസ്തകപരിചയ്ത്തിന് ശേഷം ഊരാളി ബാന്റ് അവതരിപ്പിച്ച ഗാനമേളയും നടന്നു.

നിരവധി മാഗസിനുകളും മറ്റ് ചെറു പ്രസിദ്ധീകരണങ്ങളും പുറത്തിറക്കിയ ശരത്, അൽ-മലപ്പുറം എന്ന ഷോർ‌ട്ട് ഫിലിമിന്റെ സഹ രചയിതാവാണ്.