റിച്ചാർഡ് സ്റ്റാൾമാൻ 15, 16 തിയതികളിൽ തിരുവനന്തപുരത്ത്

സ്വതന്ത്ര സോഫ്റ്റ്‌വെയർ പ്രസ്ഥാനത്തിന്റെ സ്ഥാപകൻ ഡോ. റിച്ചാർഡ് എം സ്റ്റാൾമാൻ വീണ്ടും കേരളത്തിൽ എത്തുന്നു. സംസ്ഥാന സർക്കാരിന്റെ രാജ്യാന്തര സ്വതന്ത്ര സോഫ്റ്റ്‌വെയർ സ്ഥാപനമായ ഐസിഫോസിന്റെ ആഭിമുഖ്യത്തിൽ’ എന്താണ് സ്വതന്ത്ര സോഫ്റ്റ്‌വെയർ, അതിന്റെ ഉപയോഗവും പ്രചാരണവും എന്തുകൊണ്ടാണ് സർക്കാരിന്റെ ഉത്തരവാദിത്വമാകുന്നത്’ എന്ന വിഷയത്തിൽ അദ്ദേഹം പ്രഭാഷണം നടത്തും.

ജനുവരി 15 ചൊവ്വാഴ്ച വൈകുന്നേരം മൂന്നിന് മാസ്‌കോട്ട് ഹോട്ടൽ കൺവെൻഷൻ സെന്ററിൽ നടക്കുന്ന പ്രഭാഷണത്തിൽ പൊതുജനങ്ങൾക്കും പ്രവേശനമുണ്ട്. ജനുവരി 16 ബുധനാഴ്ച ഡോ. സ്റ്റാൾമാൻ ടെക്‌നോപാർക്കിൽ സ്വതന്ത്ര സോഫ്റ്റ്‌വെയർ കൂട്ടായ്മകളുടെ നേതൃത്വത്തിൽ സംഘടിപ്പിക്കുന്ന പരിപാടിയെ അഭിസംബോധന ചെയ്യും.