കമ്മ്യൂണിറ്റി കിച്ചൺ നടത്തിപ്പിലേക്ക് ധനസഹായം നൽകി റെഡ്പവർ എടയൂർ

എടയൂർ: എടയൂർ പഞ്ചായത്തിന്റെ കീഴിൽലുള്ള കമ്മ്യൂണിറ്റി കിച്ചണിന്റെ ഒരു ദിവസത്തെ നടത്തിപ്പിലേക്ക് ആവശ്യമായ ഭക്ഷണത്തിനുള്ള ധനസഹായം നൽകി റെഡ്പവർ എടയൂർ പ്രവാസി സംഘം. റെഡ് പവർ അംഗങ്ങളായ വിജയൻ, ഷംസു, അസിൻ ബാബു എന്നിവർ ചേർന്ന് ഗ്രാമ പഞ്ചായത്ത് പ്രസിഡന്റ് കെ.കെ രാജീവ് മാസ്റ്റർക്ക് കൈമാറി. പഞ്ചായത്ത് മെമ്പർമാരായ വിശ്വനാഥൻ, സി മുസ്തഫ, ടി അബ്ദുള്ളകുട്ടി, അസിസ്റ്റന്റ് സെക്രട്ടറി ആർ രാജേഷ്, സീനിയർ സ്റ്റാഫ് അനൂപ് സുന്ദർ എന്നിവർ സംബന്ധിച്ചു.