എ.ടി.എമ്മിൽ പണമില്ലെങ്കിൽ ബാങ്കിന് പിഴ!

കൊച്ചി : എ.ടി.എമ്മിൽ പണമില്ലെങ്കിൽ ബാങ്കുകളിൽ നിന്ന് പിഴ ഈടാക്കാൻ തീരുമാനിച്ച് റിസർവ് ബാങ്ക് ഓഫ് ഇന്ത്യ. ഒക്ടോബർ ഒന്നുമുതൽ ഇത് നടപ്പാക്കും. ഏതെങ്കിലും എ.ടി.എമ്മിൽ മാസത്തിൽ 10 മണിക്കൂറിൽ കൂടുതൽ പണമില്ലാത്ത സ്ഥിതിയുണ്ടായാൽ അതത് എ.ടി.എമ്മുകളുടെ ഉടമയായ ബാങ്കുകളിൽനിന്ന് 10,000 രൂപ പിഴ ഈടാക്കും. പണം കാലിയായ ഓരോ എ.ടി.എമ്മിനും 10,000 രൂപ പിഴ അടയ്ക്കേണ്ടി വരും.