ജാതീയ അധിക്ഷേപം: കൗൺസിലറുടെ രാജി ആവശ്യപ്പെട്ട് പട്ടികജാതി ക്ഷേമ സമിതി വളാഞ്ചേരിയിൽ പ്രതിഷേധ സമരം സംഘടിപ്പിച്ചു

വളാഞ്ചേരി:ദളിത് വിഭാഗത്തെ ജാതീയമായി ആക്ഷേപിച്ചെന്ന ആരോപണത്തിൽ കോൺഗ്രസ് നേതാവും വളാഞ്ചേരി നഗരസഭ കൗൺസിലറുമായ കെ വി ഉണ്ണികൃഷ്ണനെ, കൗൺസിലർ സ്ഥാനത്ത് നിന്നും പുറത്താക്കെണം എന്ന് ആവശ്യപ്പെട്ട് പട്ടിക ജാതി ക്ഷേമ സമിതി (പി.കെ.എസ്) വളാഞ്ചേരി ഏരിയാ കമ്മിറ്റി പ്രതിഷേധ സമരം സംഘടിപ്പിച്ചു. വളാഞ്ചേരിയിൽ ടൗണിൽ നടന്ന പരിപാടി സി.കെ ജയകുമാർ ഉദ്ഘാടനം ചെയ്തു. സി വേലായുധൻ അധ്യക്ഷത വഹിച്ചു. ഇ.പി അച്യുതൻ, വി പി വസന്ത എന്നിവർ സംസാരിച്ചു.