പാലിയേറ്റീവ് ദിനത്തിൽ വളാഞ്ചരിയിലെ പാലിയേറ്റീവ് കെയർ ക്ലിനിക്കിന് സാന്ത്വനസഹായവുമായി നവദമ്പതിമാർ

വളാഞ്ചേരി : പാലിയേറ്റീവ് ദിനത്തിൽ വിവാഹിതരായവർ മാനസികവും ശാരീരികവുമായ പ്രയാസങ്ങൾകൊണ്ട് വേദനിക്കുന്നവരെ മറന്നില്ല. വിവാഹം പാലിയേറ്റീവ് ദിനത്തിൽ നടന്നതിനാൽ പാലിയേറ്റീവ് കെയർ ക്ലിനിക്കിന് സഹായഹസ്തം സമ്മാനിക്കുകയായിരുന്നു ഇരുവരും.

വളാഞ്ചേരി വൈക്കത്തൂർ സ്വദേശി ആതവനാട് ഗവ. ഹയർസെക്കൻഡറി സ്കൂൾ റിട്ട. പ്രഥമാധ്യാപകൻ ഹരികുമാറിന്റേയും കരിപ്പോൾ ജി.എം. ഹൈസ്കൂളിലെ അധ്യാപിക വിദ്യാദേവിയുടേയും മകൾഹരിതയും നിധിൻ ശങ്കറും തമ്മിൽ നടന്ന വിവാഹച്ചടങ്ങിനിടെയായിരുന്നു സഹായധനം കൈമാറിയത്. നവദമ്പതിമാർ തുകയെഴുതിയ ചെക്ക് വളാഞ്ചരിയിലെ പാലിയേറ്റീവ് കെയർ സെന്റർ പ്രതിനിധി വി.പി.എം. സാലിഹിനെ ഏൽപ്പിച്ചു.