നിലമ്പൂർ-ഷൊർണൂർ പാതയിൽ മേയ് 30 മുതൽ ഒരു തീവണ്ടികൂടി

നിലമ്പൂർ : നിലമ്പൂർ-ഷൊർണൂർ പാതയിൽ മേയ് 30 മുതൽ ഒരു അൺ റിസർവ്ഡ് തീവണ്ടി കൂടി ഓടിത്തുടങ്ങും. 06465 നമ്പർ വണ്ടി ഷൊർണൂരിൽനിന്ന് രാവിലെ 07.05-ന് പുറപ്പെട്ട് 08.50-ന്‌ നിലമ്പൂരിലെത്തും. 06468 നമ്പർ വണ്ടി നിലമ്പൂരിൽനിന്ന് രാവിലെ 10.10-ന് പുറപ്പെട്ട് 11.50 ഷൊർണൂരെത്തും. കോവിഡ് കാലത്ത് നിർത്തലാക്കിയ പാസഞ്ചർ വണ്ടികളിൽപെടുന്നതാണ് ഈ വണ്ടിയും. എക്സ്പ്രസായാണ് പുനരാരംഭിക്കുന്നത്. സ്റ്റോപ്പുകൾ പാസഞ്ചറിന്റേതുതന്നെയാണ്.