ദേശീയ നേത്രദാനപക്ഷാചരണം: സെമിനാറും പരിശോധനാ ക്യാമ്പും നടത്തി

കുറ്റിപ്പുറം: ദേശീയ നേത്രദാനപക്ഷാചരണത്തിന്റെ ഭാഗമായി നടത്തിയ ജില്ലാ സെമിനാറും കണ്ണ് പരിശോധനാ-തിമിര ശസ്ത്രക്രിയാ ക്യാമ്പും ജില്ലാ പഞ്ചായത്ത് പ്രസിഡന്റ് എ.പി. ഉണ്ണിക്കൃഷ്ണന്‍ ഉദ്ഘാടനംചെയ്തു.

ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ്കുട്ടി അധ്യക്ഷത വഹിച്ചു. പഞ്ചായത് പ്രസിഡന്റ് വസീമ വേളേരി സമ്മതപത്രം ഏറ്റുവാങ്ങി. പഞ്ചായത്ത് വൈസ് പ്രസിഡന്റ് പി.വി. മോഹനന്‍, കെ.ടി. സിദ്ദീഖ്, കൈപ്പള്ളി അബ്ദുള്ളക്കുട്ടി, ടി.കെ. റസീന, ലത മാരായത്ത്, റംല കരുത്തൊടി, അബൂബക്കര്‍ എടച്ചലം, പ്രീതി തുടങ്ങിയവര്‍ പ്രസംഗിച്ചു.