വട്ടപ്പാറയിൽ റോഡിലേക്ക് ചാഞ്ഞ മരങ്ങൾ മുറിച്ചുമാറ്റി

വളാഞ്ചേരി : ദേശീയപാതയിലെ വട്ടപ്പാറയിൽ അപകടകരമായവിധത്തിൽ റോഡിലേക്ക് തൂങ്ങിനിന്ന മരങ്ങൾ മുറിച്ചുമാറ്റി. വളാഞ്ചേരി പോലീസിന്റെയും സന്നദ്ധപ്രവർത്തകരുടെയും സഹായത്തോടെ വളാഞ്ചേരി നഗരസഭയാണ് മരംമുറി ഏറ്റെടുത്ത് നടത്തിയത്. നഗരസഭാധ്യക്ഷൻ അഷറഫ് അലത്തിങ്ങൽ, സ്ഥിരംസമിതി അധ്യക്ഷൻ മുജീബ് വാലാസി, കൗൺസിലർമാരായ ആബിദ് മൻസൂർ, ശിഹാബ് പാറക്കൽ, സദാനന്ദൻ കോട്ടീരി തുടങ്ങിയവർ നേതൃത്വം നൽകി.