എം.എസ്.എഫ് യൂണിറ്റ് യാത്രക്ക് കരിങ്കല്ലത്താണി-നരിപ്പറ്റ യൂണിറ്റിൽ തുടക്കമായി
വളാഞ്ചേരി:’ഉത്തമസമൂഹത്തിന് പ്രബുദ്ധ വിദ്യാർത്ഥിത്വo’ എന്ന പ്രമേയത്തിൽ എം.എസ്.എഫ് വളാഞ്ചേരി മുൻസിപ്പൽ കമ്മിറ്റിയുടെ നേതൃതത്തിൽ യൂണിറ്റ് യാത്ര ആരംഭിച്ചു. മുനിസിപ്പാലിറ്റിയിലെ എല്ലാ യൂണിറ്റുകളും ശാക്തീകരിക്കുക എന്ന ലക്ഷ്യമാണ് ക്യാമ്പയിനിനുള്ളത്. വിദ്യർത്ഥികളോട് ആശയവിനിമയം നടത്തി പുതിയ കാലത്തോടൊപ്പം സംഘടനയെ ശക്തമാക്കുന്നതിന് ക്യാമ്പയിൻ ഊന്നൽ നൽകും. തുടർന്നുള്ള ദിവസങ്ങളിൽ
മുനിസിപ്പാലിറ്റിയിലെ എം.എസ്.എഫ് ഭാരവാഹികൾ എല്ലാ യൂണിറ്റുകളിലും നേരിട്ടെത്തി പരിപാടിക്ക് നേതൃത്വം നൽകും. കരിങ്കല്ലത്താണിയിൽ നടന്ന യൂണിറ്റ് യാത്രയിൽ അൻവർ മുളമുക്കിൽ, കെ ഷാനവാസ്, ബദരിയ ടീച്ചർ, ഒ.പി റഊഫ്, സഫ്‌വാൻ മാരാത്ത്, ശിബ്‌ലി പാലചോട് തുടങ്ങിയവർ പ്രസംഗിച്ചു. സാബിത്ത് പതിയിൽ പ്രസിഡന്റായും കെ.പി ഫാളിൽ ജനറൽ സെക്രട്ടറിയായും സിറാജുദ്ധീൻ മുളമുക്കിൽ ട്രഷററുമായുള്ള പുതിയ കമ്മിറ്റി നിലവിൽ വന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
