ഓട്ടോ തൊഴിലാളികൾക്ക് വായ്പാ പദ്ധതി; ധാരണാപത്രം കൈമാറി

വളാഞ്ചേരി : മോട്ടോർ ആൻഡ്‌ എൻജിനീയറിങ് വർക്കേഴ്‌സ് യൂണിയ(എസ്.ടി.യു)നും വളാഞ്ചേരി സഹകരണബാങ്കും ചേർന്ന് നടപ്പാക്കുന്ന ഓട്ടോ തൊഴിലാളികൾക്കുള്ള വായ്പാ പദ്ധതിയുടെ ധാരണാപത്രം യൂണിറ്റ് പ്രസിഡന്റ് മുഹമ്മദലി നീറ്റുകാട്ടിൽ ബാങ്ക് പ്രസിഡന്റ് അഷറഫ് അമ്പലത്തിങ്ങലിന് കൈമാറി.

യൂണിയൻ അംഗങ്ങളായ ഓട്ടോ തൊഴിലാളികൾക്ക് കുറഞ്ഞ പലിശനിരക്കിൽ 10,000 രൂപ വായ്പ ലഭിക്കും. പത്തുമാസംകൊണ്ട് 11,000 രൂപ തിരിച്ചയയ്ക്കുന്നതാണ് പദ്ധതി. രേഖകളുമായി ബാങ്കിലെത്തുന്നവർക്ക് അപേക്ഷാഫോറം ലഭിക്കും. എസ്.ടി.യു. യൂണിറ്റ് ജനറൽസെക്രട്ടറി പി.എം.എസ്. സാദിഖ് തങ്ങൾ, എം.പി. ഷാഹുൽ ഹമീദ്, ബാങ്ക് സെക്രട്ടറി പി. ശശികുമാർ, എൻ. നൗഷാദ് എന്നിവർ പങ്കെടുത്തു.