ഭീമൻ കേക്ക് ഒരുക്കി ഇരിമ്പിളിയം എംഇഎസ്എച്ച്എസ്എസ് വിദ്യാർഥികളുടെ ക്രിസ്മസ് ആഘോഷം
വളാഞ്ചേരി: ക്രിസ്മസ് ആഘോഷങ്ങളുടെ ഭാഗമായി ഭീമൻ കേക്ക് ഒരുക്കി ഇരിമ്പിളിയം എംഇഎസ്എച്ച്എസ്എസ് വിദ്യാർഥികൾ. വിദ്യാലയത്തിലെ എട്ടാം ക്ലാസ് വിദ്യാർഥികളായ മണിപ്പുർ സ്വദേശികളായ ഷിംഗേയ്, ലിയാപ്പം, ഹൗക്കീബ് എന്നിവരുടെ മേൽനോട്ടത്തിലാണ് കേക്ക് തയാറാക്കിയത്.
150 കിലോഗ്രാം തൂക്കമുള്ള കേക്ക് പിന്നീട് സ്കൂൾ ഹാളിൽ പ്രദർശിപ്പിച്ചു. ക്രിസ്മസ് കാരൾ, സ്നേഹസദ്യ എന്നിവയുമുണ്ടായി. ആഘോഷപരിപാടികൾ പ്രധാനാധ്യാപകൻ അഷ്റഫലി കാളിയത്ത് ഉദ്ഘാടനം ചെയ്തു. എം.നവാസ് ആധ്യക്ഷ്യം വഹിച്ചു. ഷഹ്നാസ് ബിന്ദു, ഷീന, റഹീന, റഹ്മത്ത്, പി.എം.ത്വയ്യിബ ബീവി, ഖമറുൽ ഇസ്‌ലാം, എസ്.അനീഷ്, പി.ടി.ഷമീമ എന്നിവർ പ്രസംഗിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
