പ്രളയദുരിതാശ്വാസ പ്രവർത്തനങ്ങളിൽ പങ്കെടുത്ത വിദ്യാർഥികളെയും രക്ഷിതാക്കളെയും ഇരിമ്പിളിയം എം.ഇ.എസ് സ്കൂളിൽ ആദരിച്ചു

വളാഞ്ചേരി: പ്രളയദുരിതാശ്വാസ പ്രവർത്തനങ്ങളിൽ പങ്കെടുത്ത വിദ്യാർഥികളെയും രക്ഷിതാക്കളെയും ഇരിമ്പിളിയം എം.ഇ.എസ്. ഹയർ സെക്കൻഡറി സ്കൂളിൽ സ്നേഹസംഗമം പരിപാടിയിൽ ആദരിച്ചു. റഈസ് ഹിദായ ഉദ്ഘാടനം നിർവ്വഹിച്ചു. ശാരീരിക വൈകല്യങ്ങളെ ചെറുത്ത് തോൽപിച്ച സാമൂഹിക പ്രവർത്തകനാണ് റഈസ് ഹിദായ. പരപ്പനങ്ങാടി സ്വദേശിയായ റഈസ് ഹിദായ ഗ്രീൻ പാലിയേറ്റീവ് കോ-ഫൗണ്ടറാണ്.

കെ.എം. അബ്ദുൾഗഫൂർ അധ്യക്ഷനായി. അഷറഫലി കാളിയത്ത്, സുരേഷ് മലയത്ത്, ഹമീദ് പാണ്ടികശാല, പി.ടി. നാസർ, കെ.പി. മൊയ്തീൻകുട്ടി, സിദ്ദീഖ് കട്ടച്ചിറ, എം. ഹസ്സൻ, വേലായുധൻ, സി.എം. ഫിറോസ്, എം.വി. ഷാഹിന, പി.ടി. ഷമീമ, വി.കെ. സുഷമ, എസ്. അനീഷ്, എൻ.എം. അനൂപ, വി.പി. ഷറീന എന്നിവർ പ്രസംഗിച്ചു.