അഞ്ഞൂറോളം കുടുംബങ്ങൾക്ക് കപ്പയും തണ്ണിമത്തനും വിതരണം ചെയ്തു വെണ്ടല്ലൂർ യു.ഡി.എഫ്. കമ്മിറ്റി

ഇരിമ്പിളിയം: ലോക്ഡൗണിനെത്തുടർന്ന് പ്രയാസത്തിലായ വെണ്ടല്ലൂരിലെ അഞ്ഞൂറോളം കുടുംബങ്ങൾക്ക് കപ്പയും തണ്ണിമത്തനുമടക്കമുള്ള സാധനങ്ങൾ വിതരണംചെയ്തു. വെണ്ടല്ലൂർ യു.ഡി.എഫ്. കമ്മിറ്റിയും തറക്കൽ സലീം ചാരിറ്റിയും ചേർന്നാണ് ഇവ വിതരണംചെയ്തത്. വിതരണോദ്ഘാടനം ബ്ലോക്ക് പ്രസിഡന്റ് വസീമ വേളേരി നിർവഹിച്ചു.

ബ്ലോക്ക് മെമ്പർ പി.സി.എ. നൂർ, ഇരിമ്പിളിയം മണ്ഡലം യൂത്ത് കോൺഗ്രസ് പ്രസിഡന്റ് ബിനേഷ് മങ്കേരി, കിസാൻ കോൺഗ്രസ് കോട്ടയ്ക്കൽ മണ്ഡലം സെക്രട്ടറിമാരായ ബാവ കാളിയത്ത്, നാസർ വടക്കനായി തുടങ്ങിയവർ പങ്കെടുത്തു. അലി തെയ്യമ്പാട്ടിൽ, എൻ. ഷാനിബ്, കെ.ടി. മനോജ്, എം. പ്രവീൺ, ഐ.പി. വാസു എന്നിവർ നേതൃത്വംനൽകി.