കഞ്ചാവുമായി വളവന്നൂർ സ്വദേശിയെ പിടികൂടി
കരുവാരക്കുണ്ട്: ജാമ്യത്തില്‍ ഇറങ്ങിയ യുവാവ് കഞ്ചാവുമായി വീണ്ടും പോലീസ് പിടിയില്‍. കല്പകഞ്ചേരി വളവന്നൂരിലെ മയ്യേരി മുഹമ്മദ്കുട്ടി (42)യെയാണ് ഒന്നേകാല്‍ കിലോ കഞ്ചാവുമായി കേരള പാന്ത്രയില്‍നിന്ന് കരുവാരക്കുണ്ട് എസ്.ഐ. പി. ജോതീന്ദ്രകുമാറിന്റെ നേതൃത്വത്തിലുള്ള സംഘം പിടികൂടിയത്.
മലയോര പ്രദേശങ്ങളിലും മഞ്ചേരി, വണ്ടൂര്‍, പാണ്ടിക്കാട് എന്നിവിടങ്ങളില്‍ വിദ്യാര്‍ഥികള്‍ക്കും അന്യസംസ്ഥാന തൊഴിലാളികള്‍ക്കും കഞ്ചാവ് വിതരണംനടത്തുന്ന ചില്ലറവില്‍പ്പനക്കാര്‍ക്ക് കഞ്ചാവ് എത്തിച്ചുനല്‍കുന്ന മൊത്ത വിതരണ ശൃഖലയിലെ പ്രധാന കണ്ണിയാണ് ഇയാളെന്ന് പോലീസ് പറഞ്ഞു.
എട്ടുവര്‍ഷമായി പാണ്ടിക്കാട് തറിപ്പടി അത്താണി പ്പടിയിലാണ് ഇദ്ദേഹത്തിന്റെ താമസം. 2016 ഫെബ്രുവരിയില്‍ രണ്ടരക്കിലോ കഞ്ചാവുമായി പെരിന്തല്‍മണ്ണ പോലീസ് പിടിയിലായ പ്രതി വടകര എന്‍.ഡി.പി.എസ് കോടതിയില്‍നിന്നും ജാമ്യത്തില്‍ ഇറങ്ങിയ ശേഷം വീണ്ടും കഞ്ചാവുകച്ചവടം നടത്തുന്നതിനിടെയാണ് പോലീസ് പിടിയിലായത്.
ആന്ധ്രയില്‍നിന്നും കോയമ്പത്തൂര്‍വഴിയാണ് കേരളത്തിലേക്ക് കഞ്ചാവ് എത്തിക്കുന്നത്. പ്രതിയെ അറസ്റ്റ് ചെയ്ത സംഘത്തില്‍ എ.എസ്.ഐ പി.കെ അബ്ദുസ്സലാം, ഇ.കെ. അബ്ദുല്‍റഷീദ്, സെബാസ്റ്റ്യന്‍ രാജേഷ്, രതീഷ്, സജീവ്, ഫാസില്‍ കുരിക്കള്‍, അനീഷ്, ഷബീര്‍, ഷിജു എന്നിവരും ഉണ്ടായിരുന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
