HomeNewsIncidentsകുറ്റിപ്പുറത്തിനടുത്ത് ഒരു പകൽ മുഴുവൻ റോഡരികിൽ കിടന്നയാൾ ചികിത്സ ലഭിക്കാതെ മരിച്ചു

കുറ്റിപ്പുറത്തിനടുത്ത് ഒരു പകൽ മുഴുവൻ റോഡരികിൽ കിടന്നയാൾ ചികിത്സ ലഭിക്കാതെ മരിച്ചു

die-kuttippuram

കുറ്റിപ്പുറത്തിനടുത്ത് ഒരു പകൽ മുഴുവൻ റോഡരികിൽ കിടന്നയാൾ ചികിത്സ ലഭിക്കാതെ മരിച്ചു

കുറ്റിപ്പുറം ∙ ഒരു പകൽ മുഴുവൻ റോഡരികിൽ കിടന്നയാൾ ചികിത്സ ലഭിക്കാതെ മരിച്ചു. കൊല്ലം കരുനാഗപ്പള്ളി കുലശേഖരപുരം സ്വദേശി കൊച്ചുവീട്ടിൽ ചെല്ലപ്പൻ (68) ആണ് കുറ്റിപ്പുറത്തിനടുത്ത് തൃക്കണാപുരം വാസുപ്പടിയിൽ ഏഴുമണിക്കൂറോളം റോഡരികിൽ തളർന്നുകിടന്ന ശേഷം മരിച്ചത്.

താമസിച്ചിരുന്നതെന്ന് പറയുന്ന ക്വാർട്ടേഴ്‌സിനു സമീപം ഞായറാഴ്ചയാണ് സംഭവം. രാവിലെ 10.30 മുതൽ ചെല്ലപ്പൻ തൃക്കണാപുരം–കുമ്പിടി റോഡരികിൽ വെയിലേറ്റ് അവശനിലയിൽ കിടപ്പുണ്ടായിരുന്നു.

മദ്യപിച്ച് കിടക്കുകയാണെന്നു കരുതി ആരും ഗൗനിച്ചില്ല. വൈകിട്ട് ആറോടെ നാട്ടുകാരിൽ ചിലർ കുറ്റിപ്പുറം പൊലീസിൽ വിവരമറിയിച്ചു. പഞ്ചായത്ത് അംഗം പി.അനീഷിന്റെയും തങ്ങൾപടി സ്വദേശി രാരംകണ്ടത്തിൽ നൗഷാദിന്റെയും നേതൃത്വത്തിൽ കുറ്റിപ്പുറം ഗവ. താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

നേരത്തേതന്നെ മരണം സംഭവിച്ചിരുന്നതായി താലൂക്ക് ആശുപത്രി അധികൃതർ പറഞ്ഞു.  കുറ്റിപ്പുറത്തെ വ്യാപാര സ്‌ഥാപനത്തിൽ മുൻപ് ജോലിയെടുത്തിരുന്ന ചെല്ലപ്പൻ തനിച്ചാണു താമസിച്ചിരുന്നത്. ഷർട്ടിന്റെ പോക്കറ്റിൽ താക്കോലും കുറച്ചു  പണവും മാത്രമാണ് ഉണ്ടായിരുന്നത്. പൊലീസ് നടത്തിയ അന്വേഷണത്തിലാണ് കുറ്റിപ്പുറത്തെ വ്യാപാര സ്‌ഥാപനത്തിലെ രേഖകളിൽനിന്ന് ആളെ തിരിച്ചറിഞ്ഞത്.

മൃതദേഹം കുറ്റിപ്പുറത്തുനിന്നു തിരൂരിലേക്കും പിന്നീട് കോഴിക്കോട് മെഡിക്കൽ കോളജ് ആശുപത്രിയിലേക്കും മാറ്റി. പോസ്‌റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകും. മരണകാരണം പോസ്‌റ്റ്‌മോർട്ടത്തിന് ശേഷമേ വ്യക്‌തമാകൂവെന്നും കുറ്റിപ്പുറം എസ്‌ഐ ചന്ദ്രശേഖരൻ പറഞ്ഞു.

No Comments

Leave A Comment